Siońnia stała viadoma, što Maryna Uładyka vyjšła na volu paśla 15 sutak. Jana aktyvistka ruchu «Maci-328» i vyrašyła pakinuć ruch, piša Mayday.team.
Pakul žančyna znachodziłasia pad aryštam, supracoŭniki staličnaha CIP na Akreścina dla jaje nie prymali pieradačy — dazvolili pieradać tolki pradmiety hihijeny.
U ruchu «Maci-328» Maryna Uładyka była kaardynataram dapamohi sirotam, asudžanym da vialikich terminaŭ pa artykule 328 KK (niezakonny abarot narkotykaŭ).
Pa słovach kalehaŭ žančyny, paśla vyzvaleńnia Maryna Uładyka zajaviła ab vychadzie z hramadzianskaha ruchu pa stanie zdaroŭja.
U 2018 hodzie Maryna Uładyka była ŭ składzie haładajučych maci, jakija damahalisia sustrečy ŭ Administracyi prezidenta, kab raspavieści ŭładam pra złoŭžyvańni z boku milicyi pry rasśledavańni narkazłačynstvaŭ.
Čytajcie taksama:
U Minsku na 15 sutak aryštavali aktyvistku ruchu «Maci-328» Marynu Uładyku
Kačanava žorstka admoviła ŭ sustrečy inicyjatyvie «Maci-328», im taksama zabaranili pisać pietycyi
Aktyvistki «Ruchu maci — 328» sabrali bolš za paŭtysiačy podpisaŭ za amnistyju dla zakładčykaŭ
