NATA abmiarkoŭvaje mahčymaść uziać pad abaronu nieba nad zachodniaj Ukrainaj
Inicyjataram «pašyranaj SPA» vystupaje Polšča, ale kančatkovaha rašeńnia pakul niama.
Niekatoryja krainy NATA hatovyja pašyryć padtrymku Kijeva i dziejničać niepasredna na terytoryi Ukrainy. Za pašyreńnie dapamohi vystupajuć Estonija, Vialikabrytanija, Polšča, Kanada, Litva, Francyja. Suprać — ZŠA i Hiermanija, piša Bild.
Kančatkovych rašeńniaŭ pakul niama, ale iduć pieramovy adrazu ab niekalkich śfierach:
Navučańnie. Abmiarkoŭvajecca navučańnie sałdat USU instruktarami NATA na terytoryi Ukrainy. «Dumki ab tym, ci varta sotniam tysiač ukraincaŭ lotać pa Jeŭropie dziela navučańnia, abo lepš pasłać niekalkich instruktaraŭ u zachodniuju Ukrainu, nie varta skidać z rachunkaŭ. Razumniej i bolš ekanamična adpraŭlać instruktaraŭ va Ukrainu», — skazaŭ eks-kiraŭnik apieratyŭnaha štaba Minabarony FRH Nika Łanhie. Na dniach ab tym ža kazaŭ kiraŭnik MZS Litvy Habryelus Łandśbierhis.
Łahistyka. Pa danych Bild, šerah krain NATA, u tym liku Vialikabrytanija, Kanada i Estonija, hatovy ŭ budučyni dastaŭlać zbroju i bojeprypasy nie tolki da miežaŭ Ukrainy, ale i dalej da linii frontu. Ciapier u niekalkich zachodnich krainach raspracoŭvajecca kancepcyja «pieradavoj łahistyki».
Procipavietranaja abarona. Taksama abmiarkoŭvajecca abarona pavietranaj prastory zachodniaj Ukrainy zienitnymi kompleksami NATA. Inicyjataram «pašyranaj SPA» vystupaje Polšča, ale kančatkovaha rašeńnia pakul niama.
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu3
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary