Nie tolki luksavyja aŭto i śviežyja małalitražki. U Biełaruś masava honiać navat 16-hadovyja mašyny ź Jeŭropy
Apošnim časam u našu krainu pryvoziać usio bolš uzrostavych mašyn. Voś z čym heta źviazana.
Roźnica ŭ mycie — 800 jeŭra
Ilhotnaja razmytnioŭka dla šmatdzietnych i invalidaŭ 1-2 hrupy nie tolki zrabiła bolš pryvabnym pryhon śviežych aŭto, ale i dała zialonaje śviatło impartu mašyn, z momantu vypusku jakich prajšło bolš za 5 hadoŭ. Ale pieršyja hady isnavańnia lhotnych taryfaŭ cikavaść da ŭvozu «nieprachadnych» aŭto była vielmi nizkaj. Asabliva, kali paraŭnać ź ciapierašnim časam.
Najmienšaja pierapłata myta ŭ paraŭnańni z «prachadnymi» aŭto atrymlivajecca z ruchavikami abjomam ad 1,5 da 1,8 litra. Naprykład, za 3-5-hadovaje aŭto z ruchavikom abjomam 1,6 litra lhotnaja pošlina składaje 2000 jeŭra, a za mašynu, starejšuju za 5 hadoŭ, — 2800 jeŭra. Praz heta da nas viazuć šmat uzrostavych Volvo roznych madelej z 1,6 pad kapotam.
Asablivaj papularnaściu dla pryhonu ź Jeŭropy karystajucca miniveny Peugeot 5008 pieršaha pakaleńnia. Bolš za tracinu Peugeot 5008 (2009-2017 hadoŭ), vystaŭlenych na prodaž na sajcie av.by, pradajucca z paznakaj «biez prabiehu pa RB».
Ad 8000 dalaraŭ za inšamarku ź Jeŭropy
Ceny na 14-hadovyja miniveny pryviezienyja na prodaž pačynajucca z 10 tysiač dalaraŭ. U vypadku z aŭtamabilami, jakija pradajuć pa cenach kala 10 tysiač dalaraŭ, atrymlivajecca, što bolš za tracinu cany składajuć mytnaja pošlina, utylizacyjny zbor (816,5 rubla) i inšyja abaviazkovyja vydatki pry mytnym afarmleńni.
Pry hetym, siarod mašyn, jakija tolki niadaŭna pryhnali na prodaž ź Jeŭropy, možna adšukać i bolš tannyja varyjanty.
Tak, naprykład, u Lidzie pradajuć Ford Focus 2008 hoda vypusku za 7950 dalaraŭ. Pad kapotam u 16-hadovaha Ford dyzielny ruchavik abjomam 1,6 litra.
Zhodna z danymi z bazy ŭviezienaha aŭtatranspartu ad biełaruskaj mytni, hetaja mašyna prajšła mytnuju ačystku 4 krasavika 2024 hoda.
Aproč vyšejzhadanych Volvo i Peugeot z ruchavikami abjomam 1,6 litra, u Biełaruś davoli masava ŭvoziać uzrostavyja Renault i Nissan z matorami abjomam 1,5 litra. Ilhotnyja mytnyja płaciažy za aŭto z paŭtaralitrovym ruchavikom składajuć kala 2 tysiač jeŭra.
Takuju staryznu nie vieźli navat da 2011 hoda
Taksama ŭ Biełaruś davoli časta pryvoziać na prodaž ź Jeŭropy ŭzrostavyja Volkswagen Touran, Opel Zafira, Citroen Picasso i šmat inšych madelaŭ aŭto z abjomam ruchavika da 1800 sm³.
A voś pryhon mašyn, starejšych za 5 hadoŭ, z abjomam ruchavika bolšym za 1,8 litra ŭžo nie taki papularny, bo navat ilhotnyja mytnyja pošliny za 2-litrovy ruchavik składajuć 4800 jeŭra, što na 2100 jeŭra bolš, čym u vypadku z aŭto ŭzrostam da 5 hadoŭ.
Admietna, što aŭtamabili, starejšyja za 14 hadoŭ, u Biełaruś nie pryhaniali navat u tyja časy, kali ŭ našaj krainie dziejničali ŭłasnyja staŭki (da 1.07.2011). U toj pieryjad najbolš vyhadnym byŭ pryhon aŭto va ŭzroście da 10 hadoŭ. Dla aŭto 10-14 hadoŭ dziejničaŭ pavyšany taryf, a dla starejšych za 14 hadoŭ — zaharadžalnyja pošliny ŭ pamiery 2 jeŭra za 1 «kubik».
Ciapier ža, jak pakazvaje praktyka, ź Jeŭropy pryhaniajuć u tym liku i 15-16-hadovyja mašyny, pakolki apošniaja hradacyja pa ŭzroście hučyć, jak «starejšyja za 5 hadoŭ». Z 1 krasavika pryvozić mašyny, starejšyja za 7 hadoŭ, stała krychu vyhadniej, čym raniej. Utylzbor dla hetaj katehoryi aŭto pamienšaŭ na 408 rubloŭ, bo jon staŭ adnolkavym dla ŭsich lehkavikoŭ, z momantu vypusku jakich prajšło bolš za try hady.
Pryčyna ž, pa jakoj staryja aŭto stali čaściej pryhaniać, — heta rost cen na ich u Biełarusi. Sprava vyhadnaja, pry tym, što vydatki na transparciroŭku i mytnuju ačystku ŭ niekatorych vypadkach mohuć być bolšymi, čym košt samoha aŭto ŭ Jeŭropie.
Kamientary
Ale biezumoŭna vielmi sumna, što ŭ nas karčy ŭ vyniku ŭ 2-3 razy daražejšyja, čym u toj ža Polščy abo Litvie