Apaviaščeńni ab tym, što supracoŭniki milicyi i Śledčaha kamiteta zarehistravalisia ŭ vajbiery i telehramie, prychodziać tym, u kaho jany da taho byli zapisany ŭ kantakty.
Pra heta nam kažuć byłyja supracoŭniki orhanaŭ, u jakich zapisanyja numary kolišnich kaleh. Heta ž nazirajuć i supracoŭniki «Našaj Nivy», u jakich u kantaktach zapisanyja numary siłavikoŭ.
Pry hetym, «novyja» kantakty zusim nie novyja — hetyja ludzi i da taho byli ŭ miesiendžarach, ale ź niejkaj metaj choram, sinchronna pačali pierarehistroŭvać akaŭnty.
Pa bolšaj častcy nanoŭ rehistrujucca supracoŭniki abłasnych upraŭleńniaŭ.
Z čym heta źviazana, nie jasna. Vykazvajucca teoryi ab intensifikacyi raboty słužbaŭ unutranaj biaśpieki hetych orhanaŭ.
«My b źviazvali heta z rehistracyjaj pa raznaradcy, a nie ź dziejnaściu słužbaŭ unutranaj biaśpieki. Ale meta takoj raznaradki nie jasnaja. Sapraŭdnaj masavaści ŭ pierarehistracyjach my sa svajho boku nie nazirajem», — skazaŭ «Našaj Nivie» pradstaŭnik «Biełpoła» Uładzimir Žyhar.
aha. voś supracoŭniki Vašaj Nivy narešcie i spalilisia