U Minsk jeduć školniki z akupavanaha Mielitopala — ich navučać źbirać aŭtamat i stralać z kulamiota
Akramia taho, płanujecca padpisańnie damovy ab supracoŭnictvie pamiž ustanovami adukacyi.
U skład delehacyi z akupavanaha Rasijaj ukrainskaha Mielitopala ŭ Zaparožskaj vobłaści ŭvojduć 32 studenty i školniki. Jany pryjeduć u biełaruskuju stalicu 10 červienia.
Dziaciej i padletkaŭ pryviazuć u Minsk u ramkach rasijskaj prahramy «Na abaronie rubiažoŭ svajoj Ajčyny», jakuju realizujuć rasijskija fondy, pišuć «Minsk-Naviny».
Delehacyja naviedaje stełu «Minsk — horad-hieroj» i muziej VAV, miemaryjalny kompleks «Chatyń», Nacyjanalnuju biblijateku Biełarusi, sustreniecca z pradstaŭnikami hramadskich abjadnańniaŭ i ŭstanoŭ Biełarusi.
Akramia taho, u siaredniaj škole №101 adbudziecca padpisańnie damovy ab supracoŭnictvie pamiž ustanovami adukacyi. Taksama siarod mierapryjemstvaŭ, jakija prapanujuć haściam ź Mielitopala, akcyja «Pamiać abjadnoŭvaje narody», majstar-kłas pa vyrabie paštovak «Ź Biełarusi ź luboŭju», majstar-kłas «Smačna jeści» z dehustacyjaj straŭ nacyjanalnaj biełaruskaj kuchni.
Akramia taho, dziaciej čakajuć majstar-kłas «Być vajskoŭcam — heta hanarova!» pa adpracoŭcy navykaŭ zborki, razborki aŭtamata Kałašnikava, stralby ź jaho, strajkbolnaj zbroi pa mišeniach, a taksama pistaleta Makarava z vykarystańniem interaktyŭnaha cira.
Delehacyja prabudzie ŭ Minsku da 13 červienia.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?15
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?
Bajden moža źniać svaju kandydaturu z vybaraŭ, kali na jaho nacisnuć svajaki i siabry. A chto jaho moža zamianić?7
«Hałodnyja. Zmučanyja. Ščaślivyja». Apublikavali FOTY ŭkrainskich vajskoŭcaŭ paśla rasijskaha pałonu4
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka16
Kamientary