U Navapołacku ludziej zmušajuć prynosić vopratku dla dziaciej, vyviezienych z akupavanych terytoryj Ukrainy
List pra toje, jak u škołach i na pradpryjemstvach źbirajuć hrošy, ježu, vopratku dla dziaciej, niezakonna vyviezienych z Ukrainy ŭ Biełaruś, dasłaŭ naš čytač.
«Ježu [prosiać prynosić]. Vopratku. Adzieńnie. Kancylarskija rečy, sšytki. Baćkam kažuć, kab dzieci prynieśli ŭ škołu što-niebudź ź pieraličanaha. Robiać takim čynam hramadstva prymusova datyčnym da hetaha złačynstva praz udzieł u hetych, źvierchu harvykankamam skinutych akcyj.
Hetym jany chočuć pakazać praz hetyja prapahandysckija dziei, što hramadskaja supolnaść aktyŭna padtrymlivaje i ŭdzielničaje.
Takim čynam pa-jezuicku zamazvajuć ludziej u datyčnaści da hetaha złačynstva, kab vystavić heta čymści śvietłym. Što jany ratujuć dziaciej ad vajny. I hramadstva heta padtrymlivaje», — piša čytač.
Taksama jon dadaje, što pabory ciapier iduć amal na ŭsio, čym raniej zajmalisia aktyvisty abo hramadskija arhanizacyi, jakija byli vycisnuty z krainy abo atrymali zabaronu na aktyŭnaść.
Pavodle čytača, byli abjavy ŭ baćkoŭskich čatach prynosić navat ježu. «Prynosili ŭ škoły dla pažyłych ludziej, kab BRSM raznosiŭ hetaje dla dziaciej Danbasa, Łuhanska. Taksama akcyi ładziać u škołach: prynieści žmieniu kašačaha abo sabačaha kormu, kab pakłapacicca pra biazdomnych žyvioł — katoŭ i sabak. Usim hetym hruziać ciapier škoły i biudžetnyja arhanizacyi», — dadaje jon.
«Karcina alejem. «Alej» lijecca z usich bakoŭ ščylna», — reziumuje čytač.
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu8
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka29
Rasijski vajskoviec płanavaŭ uzarvać budaŭničuju kramu ŭ Paryžy. Ale padarvaŭsia na ŭłasnaj vybuchoŭcy1
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 12
Kamientary
a dypłamaty, čto tyja łukašenkaŭskija čynoŭniki