Skrynšot videa ŭ tyktoku
Mužčyna pad nikam archiegor śpiecyjalna zavioŭ akaŭnt u tyktoku, kab raspavieści svaju viersiju žudasnaj avaryi. Adbyłosia DTZ letaś 29 maja na 183-m kiłamietry respublikanskaj trasy M1.
— Fura vyjechała na sustrečnuju pałasu i prataraniła moj aŭtamabil. Na vinavataha ŭ DTZ była zaviedzienaja kryminalnaja sprava z pryčyny pryčynieńnia mnie ciažkich cialesnych paškodžańniaŭ.
U inšym roliku aŭtar dadaje, što ŭ jaho ŭrezaŭsia hruzavik firmy «Biełsuviaźpram» z paŭpryčepam, hružanym bietonnymi kolcami. Błohier atrymaŭ množnyja pierałomy i razryvy ŭnutranych orhanaŭ. Jon śćviardžaje, što staŭ invalidam i vymušany praciahvać lačeńnie i zaraz.
Pa słovach paciarpiełaha, kiroŭca hruzavika zajaviŭ, što ničoha nie pamiataje, bo raptoŭna straciŭ prytomnaść. Ale błohier davodzić, što sudmiedekśpiertyza abvierhła hetuju viersiju.
— Heta zdarovy čałaviek, jaki byŭ dapuščany da kiravańnia transpartnym srodkam. Fakt straty prytomnaści nie vyznačany. Adnak kiroŭca praciahvaŭ stajać na svaim i kazaŭ, što zasnuć za rulom jon nie moh, bo cudoŭna siabie adčuvaŭ.
Błohier kaža, što śledstva paličyła dovady vinavataha ŭ DTZ bolš važkimi, čym zaklučeńnie sudmiedekśpiertyzy, i vyrašyła spynić kryminalnuju spravu praz adsutnaść składu złačynstva. Adbyłosia heta ŭ toj momant, kali jon jašče znachodziŭsia ŭ balnicy.
— Kali mianie bolš-mienš sabrali pa častkach, kali ja zmoh pierasoŭvacca i ciamić narmalna, ja pačaŭ adnačasova zmahacca i za žyćcio, i za spraviadlivaść. Pačaŭ vyvučać materyjały kryminalnaj spravy, šukać advakata, pisać šmatlikija skarhi.
Mužčyna ŭpeŭnieny, što ŭ jaho spravie isnujuć niestykoŭki.
— Hruzavik firmy «Biełsuviaźpram» vypuścili na liniju ź niaspraŭnaściu tarmaznoj sistemy, z kiroŭcam nie pravodzilisia nijakija instruktažy — ni ŭstupny, ni pieradrejsavy, ni instruktaž ab pieramiaščeńni hruzaŭ pa darohach ahulnaha karystańnia. Niahledziačy na heta, aŭtamabil vyjechaŭ na respublikanskuju trasu. U kiroŭcy była praterminavanaja miedycynskaja daviedka — taksama heta nichto nie praviaraŭ.
Na adnu z takich skarh adreahavaŭ Brescki śledčy kamitet, jaki admianiŭ pastanovy i dasłaŭ kryminalnuju spravu nazad u Baranavičy dla praviadzieńnia dadatkovaha śledstva, jakoje doŭžyłasia kala piaci miesiacaŭ. U vyniku kryminalnuju spravu znoŭ spynili praz adsutnaść składu złačynstva.
Svaju historyju błohier nazyvaje precedentam respublikanskaha maštabu. Jon ličyć, što ŭ hetaj situacyi nieabchodnaje ŭmiašalnictva Łukašenki.
U kancy rolika błohier źviartajecca da Koli Łukašenki, jakoha prosić pakazać videa baćku.
— Ja pamiataju adno intervju pa televizary, dzie Alaksandr Ryhoravič kazaŭ, što mienavita syn Mikałaj pakazvaje jamu videa ź internetu časam, jakija zasłuhoŭvajuć uvahi.
Za tydzień rolik nabraŭ 880 tysiač prahladaŭ i kala 15,5 tysiač łajkaŭ.
Čytajcie taksama:
U Babrujsku pad kołami aŭto zahinuŭ aŭtarytetny doktar-ankołah
Biełaruski taksist u Varšavie ŭrezaŭsia ŭ hrupu piešachodaŭ
No jeŝio bolšij pozor tomu, kto obraŝajetsia k krovopijcie našieho naroda, kotoryj ustroił v stranie kołchoznyje poriadki...