U 2024 hodzie Zielanbud Centralnaha rajona źviarnuŭ uvahu na zonu adpačynku na Kamsamolskim voziery. Takoha maštabnaha abnaŭleńnia tut nie było daŭno. Pracy jašče iduć, ale ŭžo plaž stanovicca bolš sučasnym, piša «Minsk-Naviny».
Piać novych kabinak dla pieraapranańnia ŭžo na miescy, ale ŭstanavili pakul nie ŭsie. Śpiecyjalisty nie tolki mancirujuć abstalavańnie, ale i mianiajuć plitku pad im. Staryja kabinki nie prybirajuć, kab nie pazbaŭlać adpačyvalnikaŭ mahčymaści pieraapranucca. Plus dla naviedvalnikaŭ: kali raniej kabinki byli raźličany na adnaho, to ŭ novych praduhledžany dva adździaleńni, a značyć, čerhi stanuć udvaja mienš.
Pakłapacilisia i ab hihijenie haradžan. Na plažy — novyja dušavyja sistemy. Vada pastupaje z vadapravoda, tak što bajacca, što jaje zapasy vyčarpajucca, nie davodzicca. Dušavych taksama piać, kožnaja ź dźviuma palivačkami. U asnoŭnym jany aharodžany sihnalnaj stužkaj, ale adna ŭžo vykarystoŭvajecca adpačyvalnikami. Vada prachałodnaja.
Uzdoŭž brukavanaj darožki raźmiaścilisia novyja pitnyja fantany. Pracujuć pa pryncypie «ciśni na knopku — atrymaješ vynik».
Jak raspavioŭ namieśnik dyrektara Zielanbuda Centralnaha rajona Siarhiej Bubkin, na pradpryjemstvie ŭžo dumajuć ab dalejšym raźvićci zony adpačynku. Razhladajuć mahčymaść zamieny starych cieniavych padstreškaŭ novymi altankami, ustaloŭku dadatkovych łavaŭ. Nie vyklučana, što ŭźbiarežža asnaściać i ležakami, jakija ŭ apošnija hady ŭsio ŭ bolšaj kolkaści źjaŭlajucca na inšych plažach.
Na terytoryi rajona, akramia plaža № 6 Kamsamolskaha voziera, jość jašče dźvie zony rekreacyi z mahčymaściu kupańnia. Heta plaž № 2 vadaschovišča Drazdy (u rajonie vuł. Cichaj), dzie da kupalnaha siezona ŭstanavili novy dziciačy hulniavy kompleks.
U minułym hodzie na karcie rajona abstalavali novy plaž. Jon znachodzicca kala vyratavalnaj stancyi «Drazdy» ŭ rajonie vuł. Siomkaŭskaj. Tam jość kabinki dla pieraapranańnia, łaŭki, ležaki, bierah adsypany piaskom. Častka akvatoryi nievialikaj hłybini abharodžana dla maleńkich naviedvalnikaŭ.
«Ja musiła hladzieć miesca dla ludziej, jakija pierachodziać miažu. Što moža pajści nie tak?» Dramatyčnaja historyja aryštu Alesi Bunievič1
«Ja musiła hladzieć miesca dla ludziej, jakija pierachodziać miažu. Što moža pajści nie tak?» Dramatyčnaja historyja aryštu Alesi Bunievič
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka58
Kamientary