Patłumačyli heta nastupnym: Biełaruś — demakratyčnaja kraina.
Biełarusu admovili ŭ palityčnym prytułku ŭ Čarnahoryi. Pra heta paviedamiŭ žurnalist Lubamir Filipavič, piša telehram-kanał «Padhoryca News».
Jamu stała viadoma pra admovu ŭ davańni prytułku biełaruskamu aktyvistu Vasilu [proźvišča nie nazyvajecca — NN] u Čarnahoryi, pakolki «Biełaruś — demakratyčnaja kraina».
U Čarnahoryi pražyvaje kala 1000 biełarusaŭ. Ź minułaha hoda hramadzianie Biełarusi nie majuć prava praciahvać dakumienty praz pasolstvy za miažoj, dziela hetaha patrabujecca viarnucca damoŭ.
Biełarusy niekalki razoŭ źviartalisia da ŭrada Čarnahoryi i pravodzili mitynhi, ale nie atrymali nijakaha adkazu, jaki b dapamoh urehulavać ich status.
Užo zhadanamu Vasilu admovili ŭ prytułku, spasłaŭšysia na toje, što Biełaruś «dazvalaje ŭsim uciekačam z Ukrainy dostup na biełaruskuju terytoryju i daje im abaronu». Taksama ŭ admovie pieraličvajecca, kolki mižnarodnych kanviencyj padpisała Biełaruś, kolki jana vyrablaje i kudy ekspartuje, chacia i «ŭ peŭnaj stupieni jość parušeńni pravoŭ čałavieka».
«Heta nie adzinkavy vypadak. U minułym hodzie ja bačyŭ anałahičnuju admovu rasijskamu ŁHBT-aktyvistu z anałahičnymi matyvami», — dadaŭ Filipavič.
Kamientary