Łukašenka choča, kab kitajcy pabudavali ŭ Minsku muziej historyi Biełarusi
Pa jaho słovach, hety prajekt užo abmiarkoŭvajecca.
![](http://nnexpictures.fra1.digitaloceanspaces.com/img/w732d4webp1/photos/z_2024_06/1-u64qe.jpg.webp)
Alaksandr Łukašenka prapanavaŭ Kitaju pabudavać u Minsku jašče adzin bujny abjekt — muziej historyi Biełarusi.
Pra heta jon raskazaŭ na sustrečy z sakratarom partyjnaha kamiteta Piekinskaha ŭniviersiteta Chaa Pinam.
«My z vami chočam damovicca ab tym, kab vy nam dapamahli, asabliva pry płanavańni architektury, pabudavać padobny da kitajskaha muzieja historyi Biełarusi.
My ŭžo z vašymi śpiecyjalistami supracoŭničajem. Heta budzie zusim pobač. Jon upryhožyć naš Minsk», — zajaviŭ Łukašenka.
Budzie hety novy budynak dla Nacyjanalnaha histaryčnaha muzieja ci tam raźmieścicca niejkaja novaja ŭstanova, palityk nie patłumačyŭ.
Kitaj prosta ciapier buduje ŭ Minsku Nacyjanalny stadyjon i basiejn mižnarodnaha ŭzroŭniu. Akramia taho, niedaloka ad Pałaca niezaležnaści byŭ uźviedzieny kitajski kvartał.
Kamientary