Łukašenka panarakaŭ, što biełarusy nie pracujuć, jak kitajcy, i nie buduć
Na dumku palityka, biełarusy byli b u niekalki razoŭ bahaciejšymi.
Alaksandr Łukašenka na sustrečy z kiraŭnikom Fiederacyi prafsajuzaŭ Juryjem Siańko zakranuŭ temu Kitaja, dzie funkcyjanier raniej pracavaŭ pasłom.
Łukašenka adznačyŭ, što kitajski dośvied Siańko važny, paviedamlaje pres-słužba.
«Bo časam prafsajuzy adarvanyja ad žyćcia i pačynajuć: «Voś heta treba, to treba…» ja zaŭsiody padtrymlivaju pracoŭnych, heta sapraŭdy pravilna. Kab niešta patrabavać, treba pracavać.
I vy bačyli, jak pracujuć kitajcy. Viadoma, našy nie pracujuć tak i pracavać, napeŭna, nie buduć. Ale kali b my blizka byli da pracy i abjomaŭ, jakija vykonvajuć kitajskija rabočyja, ja dumaju, my b u niekalki razoŭ bahaciejšyja byli. Tamu vopyt hety vielmi važny dla samoha prafsajuznaha kiraŭnika», — ličyć Łukašenka.
Siańko ŭ svaju čarhu raspavioŭ, što za try hady pracy abjeździŭ praktyčna ŭvieś Kitaj. Pavodle jaho słoŭ, usiudy viedajuć pra Biełaruś. Łukašenka papiaredziŭ kiraŭnika prafsajuzaŭ, što jamu, akramia asnoŭnaj pracy, pryjdziecca jašče i padpracoŭvać ekśpiertam u kitajskim pytańni.
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja3
Kamientary