Kampanija Google vyvučyła dziejańni pradstaŭnikoŭ pakaleńnia Z u internecie
Toje, što vyjaviłasia, abviarhaje stereatypy.
Jak piša Business Insider, na praciahu apošnich niekalkich hadoŭ daśledčyki z Jigsaw, daččynoj kampanii Google, vyvučali, jak pradstaŭniki pakaleńnia Z uśviadomlivajuć i zasvojvajuć toje, što jany bačać u sietcy.
Vučonyja spadziavalisia, što ich praca stanie adnym ź pieršych hłybokich antrapałahičnych daśledavańniaŭ «infarmacyjnaj piśmiennaści» pakaleńnia Z. Ale ŭžo na samym pačatku im daviałosia admovicca ad hetaha termina.
Jak śćviardžajuć aŭtary, ličbavy mientalitet pakaleńnia Z maje istotnyja adroźnieńni. Kali pradstaŭniki starejšych pakaleńniaŭ imknucca praviarać infarmacyju na praŭdzivaść i spasyłacca na krynicy, to pradstaŭniki pakaleńnia Z nie abciažarvajuć siabie hetym.
Zamiest pravierki praŭdzivaści jany imknucca daviedacca mierkavańnie inšych, čytajučy kamientary, pieradaručajučy takim čynam vyznačeńnie praŭdzivaści i važnaści infarmacyi adzinadumcam, jakija karystajucca davieram. Kali ž artykuł vielmi doŭhi, to pradstaŭnik pakaleńnia Z prosta prapuścić jaho.
Pakaleńnie Z nie choča bačyć toje, što moža prymusić zanadta šmat dumać ci pryviadzie da emacyjnaha razładu. Na dumku Jigsaw, kali ŭ pradstaŭnikoŭ pakaleńnia Z i jość meta, to jana takaja — daviedacca ŭsio nieabchodnaje, kab zastavacca krutymi i daśviedčanymi ŭ vybranych imi sacyjalnych hrupach.
Vučonyja źviartajuć uvahu, što pradstaŭniki pakaleńnia Z nie bačać roźnicy pamiž naviedvańniem internetu dla pračytańnia navinaŭ i dla sacyjalnaha ŭzajemadziejańnia ŭ sacsietkach. U asnoŭnym jany atrymlivajuć infarmacyju nie z dapamohaj pošukavaj sistemy, a praz sacyjalnyja stužki.
Aŭtary adznačajuć, što pakaleńnie Z stvaryła svaje ŭłasnyja filtry dla apracoŭki masivu aličbavanaj infarmacyi. Jana bazujecca na stužkach sacyjalnych sietak, jakija karektujucca z dapamohaj ałharytmu, kab adlustravać toje, što chvaluje maładych ludziej, i tych, kamu jany daviarajuć.
Takim čynam, dla pradstaŭnika pakaleńnia Z relevantnaść śćviardžeńnia vyznačajecca nie niejkim paniaćciem aŭtarytetu, a sacyjalnymi sihnałami, jakija jany atrymlivajuć ad adnahodkaŭ.
Daśledavańnie pakazała, što pradstaŭniki pakaleńnia Z u bolšaści vypadkaŭ vykarystoŭvajuć ličbavyja technałohii ŭ režymie timeless — dla taho, kab zaniać siabie ŭ volny čas. U pieravažnaj bolšaści heta biazdumny siorfinh, pry jakim praŭdzivaść infarmacyi ŭvohule nie maje značeńnia.
Adnak takija pavodziny, zaŭvažajuć aŭtary daśledavańnia, nie śviedčać ab tym, što pradstaŭniki pakaleńnia Z mienš razumnaje ci ruplivyja. Maładyja ludzi viedajuć, jak daśledavać niešta bolš hłyboka, i robiać heta ŭ tych vypadkach, kali nieabchodna pryniać niejkaje žyćciova važnaje rašeńnie.
Vučonyja źviartajuć uvahu i na stanoŭčy bok takich pavodzin pakaleńnia Z u internecie. Ałharytmy, jakija vybudoŭvajuć ich stužcy ŭ sacyjalnych sietkach, zvužajuć mahčymaści traplańnia tudy naŭmysnaha padmanu.
Daśledavańni pakazvajuć, što bolšaja častka chłuśni i dezynfarmacyi stvarajecca i spažyvajecca karystalnikami, jakija jaje naŭmysna šukajuć. Ale kolkaść takich ludziej skaračajecca.
Kamientary