Kiraŭniku paśpiachovaha kałhasa «Prahres-Vierciališki» ŭ Hrodzienskim rajonie było 75 hadoŭ.
Zasłužany rabotnik Biełarusi, kandydat sielskahaspadarčych navuk Vasil Raviaka doŭhi čas uznačalvaŭ SVK «Prahres-Vierciališki» ŭ Hrodzienskim rajonie.
Vasil Raviaka naradziŭsia 15 lipienia 1948 hoda ŭ Rabcy Chojnickaha rajona. Skončyŭ Rečycki dziaržaŭny ahrarny technikum, zatym — Hrodzienski sielskahaspadarčy instytut; Akademiju hramadskich navuk pry CK KPSS (śpiecyjalnaść — palitołah, vykładčyk sacyjalna-palityčnych dyscyplin).
Pačaŭ pracavać zaatechnikam-sielekcyjanieram kałhasa «Zaazierje» Akciabrskaha rajona. Potym pierabraŭsia ŭ kałhas «Prahres» Hrodzienskaha rajona, taksama byŭ instruktaram arhanizacyjnaha adździeła Hrodzienskaha abkama KPB, pieršym sakratarom Mastoŭskaha rajkama partyi.
Z 1995 hoda byŭ staršynioj sielskahaspadarčaha vytvorčaha kaapieratyva «Prahres-Vierciališki» Hrodzienskaha rajona.
«Pavinien vyjści Pačobut». Polski ministr Sikorski znoŭ zahavaryŭ pra mahčymaje zakryćcio miažy dla hruzaŭ10
Kamientary
Miž tym finansavyja pakaźniki uznačalvajemaha Raviakaj SPK "Prahres-Viercieliški" - ustojliva vielmi ścipłyja dla mocna raśpijaranaha dziaržprapahandaj uzornaha pradpryjemstva z kolkaściu pracoŭnych kala 750 čałaviek (u 2022) - na ŭzroŭni 500 tysiač rubloŭ čystaha prybytku štohod pačynajučy z 2016. Toje, što padobnaja statystyčna zadavalniajučaja "prybytkovaść" nierefarmavanaha ahrasiektaru zvyčajna dasiahajecca praź nieabsłuhoŭvańnie bankaŭskich kredytaŭ i inšych daŭhoŭ, a taksama biaskoncuju dakapitalizacyju z boku dziaržavy - nie sakret. Ale moža ŭsio źjadali vialikija i vielmi pryvabnyja zarobki pracoŭnych? Tady čamu ichnaja kolkaść skraciłasia z 2 tysiač u 90-ch hadach, da 1 tysiačy ŭ 10-ch hadach i 750 zaraz?
Zvańnie Hieroja Biełarusi (2006) - heta ŭvohule całkam prydumanaja i devalvavanaja asabista łukašenkaj uznaharoda. Z 14 "Hierojaŭ Biełarusi" tolki lotčyki Karvat, Kukanienka i Ničiparčyk byli ŭznaharodžanyja za sapraŭdnyja podźvihi, jakija vyratavali žyćci biełarusaŭ. Vielmi diskusijnymi pytańniami zastajucca ŭznaharodžańnie spartsmienki Domračavaj i mastaka Savickaha, jaki padobna miljonam viaźniaŭ pieravažnuju častku vajny pravioŭ ŭ kancłahierach i pa sutnaści atrymaŭ zvańnie hieroja za kamfortnaje mastactva na partyzanskuju temu, choć asabista ŭ partyzanskim supracivie nie ŭdzielničaŭ. Ale astatnija - heta vyklučna łukašysckija viertykalščyki ŭ kampanii z kaśmičnaj turystkaj-prapahandystkaj Vasileŭskaj.