Кіраўніку паспяховага калгаса «Прагрэс-Верцялішкі» ў Гродзенскім раёне было 75 гадоў.
Заслужаны работнік Беларусі, кандыдат сельскагаспадарчых навук Васіль Равяка доўгі час узначальваў СВК «Прагрэс-Верцялішкі» ў Гродзенскім раёне.
Васіль Равяка нарадзіўся 15 ліпеня 1948 года ў Рабцы Хойніцкага раёна. Скончыў Рэчыцкі дзяржаўны аграрны тэхнікум, затым — Гродзенскі сельскагаспадарчы інстытут; Акадэмію грамадскіх навук пры ЦК КПСС (спецыяльнасць — палітолаг, выкладчык сацыяльна-палітычных дысцыплін).
Пачаў працаваць заатэхнікам-селекцыянерам калгаса «Заазер’е» Акцябрскага раёна. Потым перабраўся ў калгас «Прагрэс» Гродзенскага раёна, таксама быў інструктарам арганізацыйнага аддзела Гродзенскага абкама КПБ, першым сакратаром Мастоўскага райкама партыі.
З 1995 года быў старшынёй сельскагаспадарчага вытворчага кааператыва «Прагрэс-Верцялішкі» Гродзенскага раёна.
Каментары
Між тым фінансавыя паказнікі узначальваемага Равякай СПК "Прагрэс-Верцелішкі" - устойліва вельмі сціплыя для моцна распіяранага дзяржпрапагандай узорнага прадпрыемства з колькасцю працоўных каля 750 чалавек (у 2022) - на ўзроўні 500 тысяч рублёў чыстага прыбытку штогод пачынаючы з 2016. Тое, што падобная статыстычна задавальняючая "прыбытковасць" нерэфармаванага аграсектару звычайна дасягаецца праз неабслугоўванне банкаўскіх крэдытаў і іншых даўгоў, а таксама бясконцую дакапіталізацыю з боку дзяржавы - не сакрэт. Але можа ўсё з'ядалі вялікія і вельмі прывабныя заробкі працоўных? Тады чаму іхная колькасць скрацілася з 2 тысяч у 90-х гадах, да 1 тысячы ў 10-х гадах і 750 зараз?
Званне Героя Беларусі (2006) - гэта ўвогуле цалкам прыдуманая і дэвальваваная асабіста лукашэнкай узнагарода. З 14 "Герояў Беларусі" толькі лётчыкі Карват, Куканенка і Нічіпарчык былі ўзнагароджаныя за сапраўдныя подзвігі, якія выратавалі жыцці беларусаў. Вельмі діскусійнымі пытаннямі застаюцца ўзнагароджанне спартсменкі Домрачавай і мастака Савіцкага, які падобна мільёнам вязняў пераважную частку вайны правёў ў канцлагерах і па сутнасці атрымаў званне героя за камфортнае мастацтва на партызанскую тэму, хоць асабіста ў партызанскім супраціве не ўдзельнічаў. Але астатнія - гэта выключна лукашысцкія вертыкальшчыкі ў кампаніі з касмічнай турысткай-прапагандысткай Васілеўскай.