Krakadził naśmierć zahryz 12-hadovaha padletka ŭ Aŭstralii. Jak tak zdaryłasia?
Dzicia źnikła 2 lipienia ŭ Nhanmaryjanhu, addalenym miastečku na poŭnačy krainy.
Palicyja paviedamiła, što apošni raz dzicia bačyli padčas kupańnia ź siamjoj, i pavodle papiarednich źviestak, na jaho napaŭ krakadził, piša Bi-bi-si.
Da pošukaŭ pryciahnuli pravaachoŭnikaŭ i miascovych žycharoŭ. Jany abšukali terytoryju pieššu, na łodcy i z dapamohaj viertalotaŭ, pieraadolvajučy miascovaść z hustoj raślinnaściu i vuzkimi źvilistymi vodnymi šlachami.
«Heta trahičny vypadak dla luboj siamji i abščyny — stracić dzicia, asabliva pry takich abstavinach, jak napad krakadziła», — zajaviła staršy siaržant Eryka Hibsan, dadaŭšy, što palicyja padtrymlivaje ŭsich paciarpiełych.
Raniej siaržant Hibsan raspaviała ABC News, što pablizu byŭ zaŭvažany čorny krakadził.
Adnak nijakich padrabiaznaściaŭ pra toje, ci znajšli reptyliju, jakaja mierkavana napała na padletka, nie pastupała.
Marskija krakadziły, jakija žyvuć pa ŭsim paŭnočnym uskrajku Aŭstralii — ad Bruma ŭ Zachodniaj Aŭstralii da Hładstana ŭ Kvinślendzie — byli amal całkam źniščany. Ale ŭ 1970-ch hetaja praktyka była zabaronienaja. Z tych časoŭ ich kolkaść adnaviłasia.
Ciapier na terytoryi Aŭstralii žyvie bolš za 100 tysiač krakadziłaŭ — bolš, čym dzie-niebudź u śviecie. Adnak jany redka napadajuć na ludziej.
Z 2018 hoda tam nie było nivodnaha napadu sa śmiarotnym vynikam. Adnak u apošnija hady ŭ Kvinślendzie adbyłasia sieryja śmiarotnych napadaŭ reptylij.
U studzieni ŭ Nacyjanalnym parku Kakadu krakadził napaŭ na dzieviacihadovaha chłopčyka, dzicia zdoleła źbiehčy, ale atrymała traŭmy.
U krasaviku ŭ Toresavym pralivie słužba achovy dzikaj pryrody vyjaviła cieła 16-hadovaha padletka z traŭmami, «charakternymi dla napadu krakadziła».
U 2023 hodzie 51-hadovy mužčyna cudam paźbieh napadu marskoha krakadziła, adarvaŭšy jaho skivicu ad svajoj hałavy.
Kamientary