Sud zakryŭ spravu akciora Aleka Bołduina, jakoha abvinavačvali ŭ nienaŭmysnym zabojstvie apieratarki-ŭkrainki na zdymkach
42-hadovaja Halina Chatčyns była zabitaja ŭ kastryčniku 2021 hoda padčas repietycyi adnoj sa scen strełam z revalviera, jakim pa siužecie filma karystaŭsia Bołduin — jon byŭ zaradžany bajavymi patronami zamiest chałastych.
Sud štata Ńju-Mieksika ŭ piatnicu źniaŭ z Aleka Bołduina abvinavačvańni ŭ nienaŭmysnym zabojstvie kinaapieratara Haliny Chatčyns na zdymačnaj placoŭcy filma Rust vosieńniu 2021 hoda, paśla taho jak advakaty kinaakciora zajavili, što bok abvinavačvańnia schavaŭ važnyja dokazy pa spravie, piša Bi-bi-si.
42-hadovaja ŭradženka Ukrainy Halina Chatčyns była zabitaja padčas repietycyi adnoj sa scen strełam z revalviera, jakim pa siužecie filma karystaŭsia Bołduin — jon byŭ zaradžany bajavymi patronami zamiest chałastych.
Raniej było ŭstanoŭlena, što piratechnik filma Channa Hutjeres-Ryd vypadkova pierabłytała rekvizitnyja kuli z bajavymi patronami, jakija jana pryniesła z domu. U pačatku hetaha hoda jana była pryznanaja vinavataj u nienaŭmysnym zabojstvie i prysudžanaja da 18 miesiacaŭ turmy.
Bok abvinavačvańnia śćviardžaŭ, što Bołduin hruba hrebavaŭ technikaj biaśpieki na zdymačnaj placoŭcy. Jamu taksama pahražała da 18 miesiacaŭ turemnaha źniavoleńnia. Jon admaŭlaŭ vinu.
Praces nad Bołduinam z udziełam Kalehii prysiažnych pačaŭsia ŭ Santa-Fie, stalicy amierykanskaha štata Ńju-Mieksika, 10 lipienia, i doŭžyŭsia ŭsiaho try dni.
Advakaty padali chadajnictva ab spynieńni spravy ŭ piatnicu ranicaj, śćviardžajučy, što prakurory nie pieradali kamandzie abarony klučavy dokaz — partyju patronaŭ, jakija fihuravali ŭ spravie. Tym samym jany pastavili pad sumnieŭ chod rasśledavańnia i pakazali na pamyłki, dapuščanyja śledčymi, jakija pracavali na miescy zdareńnia.
Napiaredadni padčas sudovaha razboru kryminalist zajaviŭ u sudzie, što čałaviek pa imieni Troj Teske, były aficer palicyi, pieradaŭ śledstvu bajavyja patrony, jakija mahli mieć dačynieńnie da hetaj spravy.
Teskie siabruje z ajčymam asudžanaj pa spravie Channy Hutjeres-Ryd. Jon taksama pracavaŭ z pamočnikam pa rekvizicie zdymačnaj hrupy.
Pa słovach advakata Bołduina, hetyja patrony mahli być źviazanyja sa śmierciu Chatčyns, ale byli zarehistravanyja ŭ inšaj spravie pad inšym numaram.
Prakurory śćviardžali, što bojeprypasy nie mieli dačynieńnia da spravy i nie adpaviadali kulam, znojdzienym na zdymačnaj placoŭcy.
Adnak sudździa Mery Marłou Somier pastanaviła, što ich treba było pieradać kamandzie abarony Bołduina.
«Utojvańnie hetaj infarmacyi ŭładami było śviadomym i naŭmysnym, — zajaviła jana. — U suda niama mahčymaści vypravić hetuju pamyłku».
U vyniku adzin sa śpiecprakuroraŭ padaŭ u adstaŭku, a sudździa raspuściła kalehiju prysiažnych i pastanaviła zakryć spravu.
Pry abviaščeńni sudovaha rašeńnia Alek Bołduin raspłakaŭsia. Potym jany abnialisia z advakatam i žonkaj.
Prakurory nie zmohuć znoŭ vystavić abvinavačvańnie suprać Bołduina, pakolki sud całkam zakryŭ spravu biez prava adnaŭleńnia.
«Sud pajšoŭ na krajniuju mieru. Sprava zakrytaja», — zajaviŭ Bi-bi-si advakat pa kryminalnych spravach z Łos-Andželesa Džošua Ryter.
Piratechnik filma «Irža» atrymała realny termin za nienaŭmysnaje zabojstva apieratarki na zdymačnaj placoŭcy
Aleku Bołduinu vystavili abvinavačvańni ŭ nienaŭmysnym zabojstvie apieratara Haliny Chatčyns. Jaho mohuć pasadzić na piać hadoŭ
Na zdymkach filma akcior Alek Bołduin vypadkova zastreliŭ apieratara i paraniŭ režysiora
Kamientary