Polšča raspačała palavańnie na kampanii, jakija abychodziać sankcyi suprać Biełarusi i Rasii
Pad udar i vielizarnyja štrafy trapili dziasiatki jurasobaŭ.
Padatkovyja i mytnyja orhany Polščy raspačali 51 kryminalnuju spravu ŭ dačynieńni da firm, jakija praciahvajuć abychodzić sankcyi ES suprać Biełarusi i Rasii. Pra heta polskaj haziecie Rzeczpospolita paviedamili ŭ Nacyjanalnaj padatkovaj administracyi krainy.
Pavodle dziaržviedamstva Polščy, tolki za hety niapoŭny hod było vyniesiena 37 sudovych rašeńniaŭ pa spravach, ź ich 24 supravadžalisia vyniasieńniem štrafaŭ na ahulnuju sumu 20,8 miljona złotych (amal 5,3 miljona dalaraŭ).
Pry hetym za minułyja 2 hady kolkaść padobnych rašeńniaŭ za abychod sankcyj składała tolki dva na ahulnuju sumu štrafaŭ 71 300 złotych (krychu bolš za 18 tysiač dalaraŭ), pieradaje Rzeczpospolita.
Padobny rezki skačok pa spravach Nacyjanalnaja padatkovaja administracyja patłumačyła źmienami svajho kiraŭnictva ŭ kancy minułaha hoda. U dadatak da hetaha viedamstva anansavała novyja kryminalnyja spravy suprać kampanij za abychod sankcyj.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»23
Kamientary