Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam
Prezident Ukrainy patelefanavaŭ Donaldu Trampu.
«Ja pahavaryŭ z Donaldam Trampam, kab pavinšavać jaho z vyłučeńniem [u kandydaty ŭ prezidenty ZŠA] ad Respublikanskaj partyi i asudzić šakujučuju sprobu zabojstva ŭ Piensilvanii. Ja pažadaŭ jamu sił i absalutnaj biaśpieki ŭ budučyni», — zajaviŭ prezident Ukrainy Uładzimir Zialenski ŭ sacsietkach.
Pavodle jaho słoŭ, jon kazaŭ ab «žyćciova važnaj» padtrymcy dźviuch hałoŭnych amierykanskich partyj i dźviuch pałat amierykanskaha kanhresa «ŭ abaronie svabody i niezaležnaści našaj krainy».
«My damovilisia z prezidentam Trampam abmierkavać na asabistaj sustrečy, jakija kroki mohuć zrabić mir spraviadlivym i pa-sapraŭdnamu tryvałym», — napisaŭ Zialenski ŭ sacsietcy X (nazvaŭšy jaho mienavita prezidentam, a nie byłym prezidentam).
Donald Tramp taksama paćvierdziŭ telefonnuju razmovu z Uładzimiram Zialenskim, piša Bi-bi-si.
«Jon pavinšavaŭ mianie z paśpiachovym praviadzieńniem nacyjanalnaha źjezda Respublikanskaj partyi i z tym, što ja staŭ kandydatam ad Respublikanskaj partyi na pasadu prezidenta Złučanych Štataŭ», — napisaŭ Tramp u svajoj sacsietcy Truth Social.
Pa słovach Trampa, Zialenski asudziŭ zamach na jaho. Eks-prezident ZŠA čarhovy raz vystupiŭ sa śćviardžeńniem ab tym, što paśla pieramohi na vybarach jon zmoža pakłaści kaniec vajnie va Ukrainie, «jakaja zabrała tak šmat žyćciaŭ i spustošyła nieźličonuju kolkaść niavinnych siemjaŭ».
«Abodva baki zmohuć sabracca razam i damovicca ab pahadnieńni, jakoje pakładzie kaniec hvałtu i prakładzie šlach da praćvitańnia», — napisaŭ Tramp.
Raniej Zialenski mocna krytykavaŭ Trampa za jaho zajavy pra Ukrainu i sposaby skončyć vajnu.
Kamientary
Ź inšaha boku - Tramp - heta chłus, jaki sa svajoj siektaj MAGA poŭhady całkam błakavaŭ dapamohu Ŭkrainie i z-za kaho zahinuli šmat vajaroŭ ZSU, jakim nie chapała snaradaŭ. I naŭradci jon źmienicca