FSB zatrymała byłoha namieśnika ministra abarony Dźmitryja Bułhakava, paviedamlajuć rasijskija ŚMI.
Jaho adpravili ŭ SIZA, pravodziacca śledčyja dziejańni.
Bułhakaŭ adkazvaŭ za materyjalna-techničnaje zabieśpiačeńnie rasijskaj armii. U vieraśni 2022 jaho vyzvalili ad pasady ŭ suviazi ź pierachodam na inšuju pracu.
U FSB, jak i ŭ Śledčym kamitecie, zajavili, što ŭ dačynieńni da Bułhakava rasśledujuć kryminalnuju spravu «karupcyjnaj nakiravanaści». Padrabiaznaści spravy nie raskryvajucca. «Ź fihurantam pravodziacca nieabchodnyja śledčyja dziejańni», — paviedamili ŭ SK.
24 krasavika byłoha namieśnika kiraŭnika Minabarony Cimura Ivanova aryštavali pa abvinavačańni ŭ bujnym machlarstvie. Zatym pad vartu adpravili jašče traich hienierałaŭ: načalnika hałoŭnaha ŭpraŭleńnia kadraŭ Minabarony Juryja Kuźniacova, byłoha kamandujučaha 58-j armijaj hienierał-majora Ivana Papova i načalnika hałoŭnaha ŭpraŭleńnia suviazi Minabarony RF Vadzima Šamaryna. Kuźniacova i Šamaryna abvinavacili ŭ atrymańni chabaraŭ, Papova — u machlarstvie.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary