U Hrodnie zatrymali čałavieka, jaki źniaŭ videa čarhi kala DAI
MUS nazvaŭ heta «infarmacyjnym ŭkidam, jaki nie adpaviadaje rečaisnaści», a z zatrymanych mužčynam zapisali videa.
Zatrymany ŭ zapisanym roliku «kajecca» ŭ tym, što źniaŭ videa i vystaviŭ jaho ŭ tyktoku. Jon śćviardžaje, što nie čakaŭ takoj reakcyi i proćmu niehatyŭnych kamientaroŭ, a taksama što heta videa razyjdziecca pa niezaležnych ŚMI i telehram-kanałach.
Pry hetym mužčyna prosić prabačeńnia ŭ supracoŭnikaŭ DAI, jakim ciapier nibyta z-za jaho daviadziecca «pracavać dapazna». Vidać, kab čarha nie była źniataja i nie stała zdabytkam publičnaści, to nichto b u hetaj ustanovie asabliva nie napružvaŭsia i nie imknuŭsia intensifikavać praces.
Akramia ŭsiaho inšaha, chłopca abvinavacili ŭ nibyta padpiscy na płan «Pieramoha». Dzie jon ciapier i što jamu pahražaje — pakul nieviadoma.
Uvohule situacyja ŭźnikła z-za taho, što apošnija niekalki dzion kala rehistracyjnaha padraździaleńnia DAI UUS Hrodzienskaha abłvykankama źbirajucca vialikija čerhi.
Kiroŭcy imknucca chutčej pieraaformić aŭtamabili — heta źviazana z tym, što Polšča pierastała puskać mašyny na biełaruskich numarach biez uładalnikaŭ u sałonie.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?10
Kamientary