Stanam na12.02.2010 ahulnarespublikanski bank vakansij źmiaščaje 213 zaprašeńniaŭ na pracu ŭ Puchavicki rajon. Ź ich 25 vakansij z prapanavanym zarobkam nižejšym za biudžet pražyćciovy minimum dla pracazdolnaha nasielnictva (271 tysiača 450 rubloŭ).
Samyja nizkaapłačvanyja vakansii — pradaviec praduktovych tavaraŭ u rajspažyŭsajuzie (staŭka — 205 tysiač) i miedsiastra (0,5 staŭki) u
Jak płaciać tak i lečać
Kali kazać pra miedykaŭ, to z 19 vakansij rajonnaha terytaryjalnaha miedyčnaha abjadniańnia (RTMA) 9 majuć zajaŭleny zarobak nižej za pražyćciovy minimum. Paradaksalna, ale kiraŭniki RTMA, jakija majuć dbać pra zdaroŭje pra ludziej, pryznačajuć svaim pracaŭnikam zarobak jaki, pavodle vyznačeńnia pražyćciovaha minimumu «nie moža zabiaśpiečyć žyćciadziejnaść čałavieka i zachavańnie jahonaha zdaroŭja».
Astatnija 10 vakansij (pieravažna lekary z vyšejšaj adukacyjaj) zaprašajucca na pracu z zarobkam 285 (lekary) — 479 tysiač (zahadčyk adździełam). Pry hetym praca kvalifikavanaha lekara u balnicy aceniena nižej za pracu zvyčajnaha kuchara ŭ Rudzienskaj balnicy. Zarobki adpaviedna 285 i 300 tysiač. Inačaj nie nazavieš jak plavok u tvar miedykam.
A «abrubvalnik sučča» z 10 kłasami adukacyi u Puchavickim lashasie budzie atrymlivać ŭžo 600 tysiač, što bolš čym u 2 razy pieravyšaje ŭzrovień apłaty lekara z šaściu hadami Miedyčnaha univiersitetu. Dla daviedki — siaredni zarobak miedyčnych pracaŭnikoŭ na vakansijach RTMA składaje 282 tysiačy, što až na 10,5 tysiač pieravyšaje biudžet pražyćciovaha minimumu. Takoj ličbaj kiraŭnictva rajonnaj miedycyny pastaviła rekord. 282 tysiačy — samy nizki siaredni zarobak pa vakansijach arhanizacyj rajona.
Siarednija ličby taksama nie radujuć
Učora BiełTA sa spasyłkaj na nacyjanalny statystyčny kamitet paviedamiła, što siaredni zarobak ŭ Biełarusi (stanam na studzień miesiac) skłaŭ 998,3 tysiačy rubloŭ. Kali paraŭnać hetuju vieličyniu ź siarednim zarobkam puchavickich vakansij, to stanovicca nie da śmiechu. Siaredniaja zarabotnaja płata pa vakansijach rajona składaje tolki 526,3 tysiačy rubloŭ. Albo tolki 52,7% ad siaredniebiełaruskaha pakazčyka apłaty pracy.
Pa Minskaj vobłaści stanam na studzień siaredni zarobak skłaŭ 1 młn. 032 tysiačy rubloŭ, kali vieryć statystycy.
Darečy, razryŭ pamiž najmienšym i najbolšym zarobkami siarod vakansij rajona składaje biez małaha 10 razoŭ (123 tysiačy i 1200 tysiač).
A dzie płaciać bolej?
Samyja vysokija zarobki u PVS (mašynist ekskavatara) — 1,2 miljona i hałoŭny zaatechnik u VSU «Rudzienski» 1,1 młn.
Najbolš apłačvajemyja vakansii — budaŭničyja śpiecyjalnaści albo zaatechniki i vieterynarnyja lekary. Takich nabirajecca 15 z «najlepšych» 21 vakansii (z zarobkam bolš za 900 tys.)
