U artykule pra ŭčorašniuju sustreču ministraŭ zamiežnych spraŭ Polščy i Biełarusi Radasłava Sikorskaha i Siarhieja Martynava, polskaja Gazeta Wyborcza piša, što Sikorski pieradaŭ praz Martynava Łukašenku nieaficyjny list.
Pavodle hazety, u liście 10 punktaŭ, padtrymku jakich Varšava stavić u zaležnaść ad pavahi Miensku da pravoŭ polskaj mienšaści. Havorka idzie pra padtrymku dla Biełarusi siarod inšaha ŭ pytańniach čarhovaj pazyki ad MVF, skasavańnie vizavych sankcyjaŭ, pačatak u Biełarusi častki prahramaŭ Uschodniaha partnerstva, «i navat uvachod Biełarusi na pravach paŭnavartasnaha čalca ŭ Radu Bałtyjskich dziaržaŭ».
Gazeta Wyborcza piša taksama, što MZS Polščy rychtuje śpis hramadzianaŭ Biełarusi, jakim budzie zabaronieny ŭjezd na terytoryju Polščy i ŭsiaho Eŭraźviazu. Nieaficyjna paviedamlajecca, što ŭ im — kiraŭnictva praŭładnaha sajuzu palakaŭ na čale z Stanisłavam Siamaškam.
«Termin abviaščeńnia hetaha śpisu — heta pytańnie hadzinaŭ i dzion, a nia tydniaŭ», — zajaviŭ hazecie presavy sakratar MZS Polščy Piotar Paškoŭski.
Miž tym učora kiraŭnik Eŭrapiejskaha parlamentu Ježy Buzek zajaviŭ, što «nie vyklučaje razryvu dačynieńniaŭ pamiž EZ i Biełaruśsiu. Kali nia budzie nijakaha pazytyŭnaha vodhuku na paciapleńnie, jakoje prapanavaŭ Eŭraźviaz».
