Supracoŭnik Instytuta lesu Nacyjanalnaj akademii navuk Alaksandr Kavalevič raskazaŭ sb.by, jak klimat upłyvaje na źmianieńnie lasoŭ u našaj krainie. Pa słovach śpiecyjalista, pačynajučy z 2017 hoda, sasnovyja lasy pačali masava zasychać.
«Paciapleńnie klimatu pryviało da ŭzmacnieńnia ahresiŭnaści karajedaŭ, źjaŭleńnia novych invaziŭnych vidaŭ škodnikaŭ i chvarob», — padkreśliŭ navukoviec.
Kavalevič źviarnuŭ uvahu, što ŭ asnoŭnym paciarpieli paŭdniovyja rajony. Śpiecyjalistam udałosia likvidavać uspyšku, adnak nie abyšłosia biez strat. Ciapier ža dola sasnovych lasoŭ u paraŭnańni ź siaredzinaj XX stahodździa źmienšyłasia z 58% da 48%.
Navukoviec dadaŭ, što karajed-typohraf, jaki źjaŭlajecca pradstaŭnikom vidu, padobnaha da sasnovych škodnikaŭ, u apošnija dziesiacihodździ surjozna nakinuŭsia na jełku. Heta pryviało da ŭsychańnia dreva na poŭdni Biełarusi, pačałasia tak zvanaja mihracyja na poŭnač, za Minsk.
Ale jość i prahres u baraćbie ź im. Pavodle słoŭ Kavaleviča, da 2025 hoda pavinny adbycca dziaržaŭnyja vyprabavańni raspracavanaha ŭ Instytucie lesu bijapreparata, jaki zaklikany kantralavać papulacyju kazurki.
Akramia jełak i sosnaŭ, havoryć navukoviec, varta nadavać bolš uvahi dubu.
«My mała jaho sadzim, abjomy treba naroščvać, u tym liku i za košt rekanstrukcyi — u nas šmat płoščaŭ, zaniatych miakkaliścievymi drevami. Stratehiju adnaŭleńnia dubroŭ pieradali ŭ Ministerstva lasnoj haspadarki. Prapanoŭvali i stvaryć kompleks pa vyroščvańni duba z zakrytaj karaniovaj sistemaj. Na hetaje dreva treba rabić staŭku», — ličyć jon.
Biełaruska nie znajšła siabie ŭ śpisie vypusknikoŭ škoły — ličyć, što praz palityčnyja pohlady1
Kamientary
Razam z kupałaŭskimi muzejami volnaje hramadztva pazbavicca niarobaŭ raździmalnikaŭ štučnych prablemaŭ i kanfliktaŭ z akademii navukaŭ (nie navuki).