Lidar ruchu «Volnaja Biełaruś» Zianon Paźniak dniami napisaŭ tekst «Pra palityku i palitviaźniaŭ», u jakim stavić «paradaksalnaje pytańnie»: što rabić z tymi palitviaźniami, jakich jon ličyć vorahami biełaruskaha naroda, pieradusim ź Viktaram Babarykam i jaho paplečnikami? Ci varta biełarusam zmahacca za ich vyzvaleńnie taksama?
Paŭtaryŭšy tradycyjnyja abvinavačańni na adras Babaryki i jahonych adnadumcaŭ, što jany nibyta vykonvali zadańnie Kramla pa likvidacyi biełaruskaj niezaležnaści, Paźniak akreślivaje «trajny kanflikt» 2020 hoda:
«biełaruski narod vystupiŭ suprać ułady Łukašenki za volnuju Biełaruś; staŭleńnik Maskvy Babaryka vystupiŭ suprać ułady Łukašenki za ŭvachodžańnie Biełarusi ŭ Rasiju; Łukašenka vystupiŭ suprać naroda (pačaŭ zamykać biełarusaŭ za kraty) i adnačasna kinuŭ u turmu Babaryku z pasobnikami. Usie try subjekty palityki jość vorahami adzin adnamu».
U suviazi z hetym «uźnikaje paradaksalnaje pytańnie»:
«Kali vorah biełaruskaha naroda jość Łukašenka, jaki pasadziŭ u turmu tysiačy biełarusaŭ i adnačasna kinuŭ za kraty voraha dziaržaŭnaj niezaležnaści Biełarusi Babaryku (z padzielnikami), to jak vyzvalać usich palitviaźniaŭ? Jany ž palityčna niesumiaščalnyja ŭ dačynieńni da hałoŭnych intaresaŭ nacyi i ŭ adnosinach adzin da adnaho. Paradoks».
Tut ža na hetaje pytańnie dajecca i adkaz, jaki na karyść Babaryki z «padzielnikami»:
«Zmahajmasia za vyzvaleńnie ŭsich palitviaźniaŭ, bo asudžanyja jany nie pa pravu, nie pa zakonu, a pa palityčnych intaresach uzurpatara».
Pry hetaj nahodzie Paźniak nadzvyčaj krytyčna vykazaŭsia pra palitźniavolenuju Maryju Kaleśnikavu, całkam admaŭlajučy joj u palityčnaj subjektnaści:
«Što takoje Kaleśnikava? Adkul jano źjaviłasia? Dzieści kala paŭhoda na jaje hladzieli, čuli jaje krajnie infantylnyja razvažańni, bačyli jaje prydumanyja maniery, adsutnaść palityčnaha intelektu i prosta hłupstvy (naprykład, videa-razmova z žurnalistam Kacam, dzie jana chvalić Łukašenku, abiacaje jamu zasłužanuju piensiju i t. p.). Navat u paraŭnańni sa Śviatłanaj Cichanoŭskaj, jakaja ŭžo choć niešta kaža, hetaja asoba — poŭnaje palityčnaje ništo.
Tym časam «demśmi» i zachodnija «ŚMI» nie pierastajuć pra jaje pisać, viaščać, chvalić, abzyvać lidaram demakratyi, demanstravać zakłapočanaść, stavić jaje fotački z sardečkam u Internet. Prydumali navat płakacik, dzie jana pobač z Kastusiom Kalinoŭskim (!!), «Rodzina-mať zoviot» i t. p. — prapahandysckaja pašlacina».
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary