Rabotnik adnaho z adździaleńniaŭ banka ŭ Drahičynskim rajonie padazrajecca ŭ kradziažy hrošaj układčykaŭ.
Jak paviedamili ŭ Drahičynskim RAUS, 23‑hadovaja śpiecyjalist adździaleńnia banka nieadnarazova krała hrošy z układaŭ hramadzian šlacham składańnia fiktyŭnych raschodna‑kasavych orderaŭ, padrablajučy podpisy ŭkładčykaŭ. Usiaho takim čynam z krasavika 2009 hoda pa studzień 2010 hoda jana zavałodała hrašyma na ahulnuju sumu kala 1 młn. 800 tys. rubloŭ.
U dačynieńni da jaje 16 lutaha raspačata kryminalnaja sprava pa č. 2 art. 210 Kryminalnaha kodeksa (kradziež šlacham złoŭžyvańnia słužbovymi paŭnamoctvami).
Jak rastłumačyła supracoŭnikam milicyi bankaŭski rabotnik,
hrošy joj spatrebilisia dla asabistych patreb.
Kradziež hrošaj z układaŭ vyjavili supracoŭniki hrupy pa baraćbie z ekanamičnymi złačynstvami Drahičynskaha RAUS padčas praviadzieńnia apieratyŭna‑vyšukovych mierapryjemstvaŭ.
0
0
0
0
0
0
