U Izraili znoŭ terakt: mužčyna ź pistaletam i nažom napaŭ na minakoŭ, adzin čałaviek zahinuŭ, jašče 10 paranienyja
Napad adbyŭsia ŭ horadzie Bieer-Ševa za 100 kiłamietraŭ ad Tel-Aviva.
Napad pačaŭsia kala restarana «Makdonalds» u budynku aŭtobusnaj stancyi ŭ Bieer-Ševie. Mužčyna, uzbrojeny nažom, paraniŭ dvuch čałaviek, uklučajučy achoŭnikaŭ.
Praź niekatory čas kala kafe «Niejeman» jon adkryŭ ahoń z ahniastrelnaj zbroi i paraniŭ 3-4 čałaviek. Zatym rušyŭ da treciaha miesca, i tam śmiarotna paraniŭ dziaŭčynu va ŭzroście kala 20 hadoŭ. Tam napadnika likvidavała, imavierna, bajec pamiežnaj słužby, jakaja znachodziłasia niepadalok, piša detaly.co.il.
U palicyi aścierahalisia, što pierad napadam teraryst moh pakinuć dzieści ŭ budynku aŭtastancyi jašče i vybuchovaje prystasavańnie. Palicyjanty pravieryli kramu za kramaj i źniali ź videakamier nazirańnia zapisy, kab vyklučyć takuju ryzyku. Paźniej heta aściaroha była źniataja.
Na miescy znachodziacca šmatlikija siły palicyi. Palicyja razhladaje mahčymaść taho, što ŭ terarysta byŭ saŭdzielnik, jaki dahetul znachodzicca ŭ rajonie aŭtastancyi ŭ Bieer-Ševie.
Palicyja vyśvietliła, što napadnik byŭ bieduinam, hramadzianinam Izraila z kryminalnym minułym. Jość paviedamleńni, što jon u momant napadu byŭ u kieramičnaj broniekamizelcy, što moža pakazvać na pradumanuju arhanizacyju teraktu, mahčyma — nie adnym čałaviekam.
1 kastryčnika ŭ Jafie, histaryčnym centry Tel-Aviva, terarysty źviazanyja z CHAMAS, adkryli ahoń pa ludziach. Zahinuli 7 čałaviek, jašče 16 — paranienyja. Terarysty byli zabityja. Pry napadzie paciarpieŭ i 27-hadovy biełarus.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary