Nakiravańnie brytanskich vajskovych instruktaraŭ na zachad Ukrainy dazvolić vyrašyć łahistyčnyja prablemy, źviazanyja z adpraŭkaj ukrainskich vajennasłužačych na brytanskija bazy, i zekanomić hrošy.
Jak piša The Times, brytanskaje vajskovaje kiraŭnictva razhladaje mahčymaść adpraŭki nievialikich hrup instruktaraŭ va Ukrainu dla navučańnia ŭkrainskich sałdat na zachadzie krainy. Hetaja prahrama nakiravana na palapšeńnie padrychtoŭki navabrancaŭ, jakija zatym buduć adpraŭleny na front na ŭschodzie.
Pa słovach dźviuch krynic, znajomych ź pieramovami, płan užo aktyŭna abmiarkoŭvajecca. Padobny krok dazvoliŭ by vyrašyć niekatoryja łahistyčnyja prablemy, jakija ŭźnikajuć pry adpraŭcy ŭkrainskich sałdat na navučańnie ŭ Vialikabrytaniju, i skaracić vydatki.
Jak adznačyła krynica vydańnia ŭ abaronnym viedamstvie Vialikabrytanii, adpraŭka brytanskich vajskoŭcaŭ va Ukrainu zamiest taho, kab pravodzić navučańnie na vajennych bazach u Vialikabrytanii, budzie «tańniejšaj dla nas i lepšaj dla ich»:
«My mahli b pravodzić padrychtoŭku chutčej, i heta było b vielmi daloka ad linii frontu, u zacišnych miescach, tak što ryzyka była b značna nižejšaj».
Krynica vydańnia siarod ukrainskich vajskoŭcaŭ adznačyła, što pieranos navučańnia va Ukrainu stanie «mahutnym vajenna-palityčnym sihnałam» dla inšych krain i dla samoj Rasii. Jana vykazała nadzieju, što prykład Vialikabrytanii natchnić Francyju, dzie dyskusii pa hetym pytańni zajšli ŭ tupik pa palityčnych matyvach.
Pa słovach krynicy, heta taksama adznačyła b pačatak «faktyčnaha» razhortvańnia vajennaj infrastruktury NATA na terytoryi Ukrainy i stała b «mahutnym strymlivajučym faktaram».
Jana ž adznačyła, što brytanskija sałdaty taksama buduć pierajmać bajavyja navyki va ŭkrainskich vojsk i zmohuć vyprabavać najnoŭšuju zbroju, jakaja raspracoŭvajecca dla vajny.
Jak adznačaje vydańnie, z momantu pačatku kanfliktu ŭ 2022 hodzie bolš za 100 000 ukrainskich vajskoŭcaŭ prajšli navučańnie za miažoj, u asnoŭnym u Vialikabrytanii, Polščy, Francyi i Hiermanii.
Dziasiatki tysiač ukrainskich sałdat prajšli navučańnie ŭ Vialikabrytanii ŭ ramkach šmatnacyjanalnaj vajennaj apieracyi pad kodavaj nazvaj Operation Interflex. Jana była zapuščana ŭ 2022 hodzie paśla taho, jak była prypyniena apieracyja Orbital, u ramkach jakoj z 2015 hoda brytanskija vajskoŭcy pravodzili navučańnie na terytoryi Ukrainy.
Ź lutaha 2022 hoda tolki nievialikaja kolkaść brytanskich vajennasłužačych była nakiravana va Ukrainu dla akazańnia dapamohi ŭ «miedycynskaj padrychtoŭcy». Detali hetaj misii trymajucca ŭ vialikim sakrecie.
Francyja nakiruje va Ukrainu instruktaraŭ dla navučańnia miascovych vajskoŭcaŭ
Francyja razhladaje mahčymaść dazvolić śpiecnazu i inšym vajskovym farmavańniam pierasiakać miažu Ukrainy — Le Monde
Bieły dom admoviŭsia nakiroŭvać va Ukrainu amierykanskich śpiecyjalistaŭ pa absłuhoŭvańni F-16
Novy hiensak NATA vystupiŭ za prava Ukrainy nanosić dalnabojnyja ŭdary pa Rasii
Kamientary