Były prezident ZŠA Džymi Karter, jakomu niadaŭna spoŭniłasia 100 hadoŭ, prahałasavaŭ na vybarach i padtrymaŭ vice-prezidenta i kandydata ad Demakratyčnaj partyi Kamału Charys, paviedamlaje hazieta New York Times.
Pa słovach unuka eks-prezidenta, Džejsana Kartera, jahony dziadula, jaki pa stanie zdaroŭja znachodzicca na palijatyŭnaj dapamozie, byŭ «asabliva rady mahčymaści» addać hołas za Charys, skarystaŭšysia pravam hałasavańnia pa pošcie. Daterminovaje hałasavańnie ŭ štacie Džordžyja, dzie žyvie były palityk, pačałosia ŭčora.
Džymi Karter byŭ 39-m prezidentam ZŠA ŭ 1977-1981 hadach, byŭ abrany ad Demakratyčnaj partyi.
Paśla zaviaršeńnia svaich paŭnamoctvaŭ jon zasnavaŭ centr Kartera — niekamiercyjnuju arhanizacyju pa abaronie pravoŭ čałavieka, i ŭ 2002 hodzie atrymaŭ Nobieleŭskuju premiju miru za pracu, źviazanuju z centram.
100 hadoŭ Karteru spoŭniłasia sioleta 1 kastryčnika, i takoje doŭhažycharstva — rekord dla ŭsich amierykanskich prezidentaŭ. Ź lutaha 2023 hoda jon znachodzicca ŭ chatnim chośpisie.
Paśla 2020-ha ad Jarmošynaj admoviŭsia navat sadoŭnik, jaki stryh jaje kusty ŭ Drazdach4
Kamientary