Źmieny ŭ transpartnym padatku — źjavicca bolš ilhotnikaŭ, a zamožnym naadvarot daviadziecca raskašelicca
Anansavanyja źmieny ŭ padatkovym zakanadaŭstvie zakranuć mnohich aŭtamabilistaŭ.
Što chočuć źmianić?
Prajekt źmienaŭ u Padatkovy kodeks apublikavany na Nacyjanalnym pravavym partale.
Adno z hałoŭnych novaŭviadzieńniaŭ pa transpartnym padatku — pašyreńnie śpisu lhotnikaŭ. U jaho płanujuć dadać vajennasłužačych terminovaj słužby i tych, chto prachodzić alternatyŭnuju słužbu.
Ciapier prava na źnižku ŭ 50% majuć:
- invalidy 1 i 2 hrupy;
- vieterany VAV;
- šmatdzietnyja baćki;
- vieterany bajavych dziejańniaŭ na terytoryi inšych dziaržaŭ;
- piensijaniery.
Prava na źnižku ŭ 25% majuć invalidy 3 hrupy.
Za darahija aŭto daviadziecca płacić bolš
Taksama płanujuć admianić 3-hadovy ŭzrostavy cenz dla aŭto padvyšanaj kamfortnaści, za jakija treba płacić padatak u 10-kratnym pamiery.
Uzrost aŭto, u dačynieńni da jakich buduć prymianiać pavialičanyja staŭki (ch10), budzie pryviedzieny ŭ pieraliku, jaki vyznačaje ŭrad.
To-bok zhodna z prapanavanymi źmienami, z ułaśnikaŭ peŭnych marak i madelej aŭto zmohuć praciahvać spahaniać 10-kratny padatak navat paśla taho, jak aŭto dasiahnie trochhadovaha ŭzrostu.
Raniejšaja redakcyja zakona takuju mahčymaść nie praduhledžvała, i, naprykład, za 4-hadovyja Ferrari ci Lamborghini ułaśniki płacili padatak, jak i za luboje inšaje aŭto.
Staŭki vyrastuć
Aproč hetaha, z 1 studzienia 2025 hoda musiać padraści sami staŭki transpartnaha padatku.
Dla fizičnych asob na lehkavyja aŭtamabili masaj:
- da 1,5 t — z 66 rubloŭ da 70 rubloŭ;
- bolš za 1,5 t, ale nie bolš za 1,75 t — z 87 da 92 rubloŭ;
- bolš za 1,75 t, ale nie bolš za 2 t — sa 110 da 116 rubloŭ,
- bolš za 2 t, ale nie bolš za 2,25 t — sa 131 da 138 rubloŭ;
- bolš za 2,25 t, ale nie bolš za 2,5 t — sa 153 da 161 rubla;
- bolš za 2,5 t, ale nie bolš za 3 t — sa 174 da 183 rubloŭ;
- bolš za 3 t — z 240 da 253 rubloŭ.
Kolki kaštuje pierajści na zimovyja pakryški ŭ Biełarusi i ŭ susiedziaŭ?
Jak źniać aŭtamabil z uliku ŭ Biełarusi, navat kali jaho daŭno ŭ vas niama ci mašyna ŭžo zarehistravana ŭ inšaj krainie
Machlary, jakija pradajuć tannyja šyny praz Instagram, rychtujucca da novaha siezona. Jak nie trapić na padman
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary