Kiraŭnik likvidavanaha ŭładami Ruchu «Za svabodu» paviedamiŭ u sacsietkach, što źbirajecca ŭdzielničać u prezidenckich vybarach 2025 hoda.
«Dasłaŭ u CVK zajavu, śpis inicyjatyŭnaj hrupy i inšyja dakumienty, nieabchodnyja dla rehistracyi ŭ jakaści kandydata na vybarach prezidenta Respubliki Biełaruś. Farmalnych abmiežavańniaŭ nie maju. Kryminalnyja spravy zavodzilisia, ale nivodnaja ź ich tak i nie była daviedziena da rašeńnia suda.
Sabrać 100 tysiačaŭ podpisaŭ siarod 300 — 500 tyciač pakinuŭšych Biełaruś hramadzian liču całkam mahčymym. Pahladzim, što dalej budzie», — napisaŭ Hubarevič u fejsbuku.
Nasamreč, farmalnyja abmiežavańni jość. Paśla źmienaŭ u Kanstytucyju, jakija Łukašenka ŭnios u 2022 hodzie, kandydat u prezidenty pavinien pražyć nie mienš za 20 hadoŭ u Biełarusi niepasredna pierad vybarami i nie mieć DNŽ inšaj krainy.
Juraś Hubarevič vyłučaŭ svaju kandydaturu na prezidenckija vybary ŭ 2020 hodzie. U červieni taho hoda byŭ asudžany na 15 sutak za «niesankcyjanavanaje pikietavańnie», paśla čaho lidar Ruchu «Za svabodu» źniaŭsia z vybaraŭ.
Siońnia Hubarevič źjaŭlajecca Adkaznym pa pytańniach rehijanalnaha raźvićcia ŭ Nacyjanalnym antykryzisnym upraŭleńni.
-
«Ničoha nie zdarycca z maimi dziećmi, kali jany nie pračytajuć Barto, Maršaka, Čukoŭskaha». Hutarka sa stvaralnicaj błohu «Knižnyja razmovy»
-
«Interjery z Pinterest» i «ceny jak u Vieniecyi». U Hrodnie na miescy źniesienaha histaryčnaha budynka adkryli daraženny bucik-hatel
-
«Mianie vielmi mocna niepakoić, čyjo jano». Historyja biełarusa, jakomu ŭ Polščy pierasadzili novaje serca
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary
LUBOJE učastije v "vyborach" v suŝiestvujušich usłovijach - budiet na 100% podstrojeno i ispolzovano v ličnych cielach kliki.
Siońnia nichto nie ŭspomnić imia druhoha udzielnika taho šou, a voś pieramožca "idzie" na vybary prezidenta RB 2025.
Niesurjoznyja ludzi ŭ toj pieramožnaj častcy Ruchu Za Svabodu.