Stała viadoma, za što buduć sudzić kiraŭnika likvidavanaj partyi «Zialonyja» Dźmitryja Kučuka
Jaho zatrymali, kali jon pryjšoŭ da rasijskaj ambasady ŭskłaści kvietki ŭ pamiać pra pamierłaha palityka Alaksieja Navalnaha.
50-hadovy Dźmitryj Kučuk — były staršynia partyi «Zialonyja» (partyju likvidavali ŭ lipieni 2023 hoda). Jon uznačalvaŭ adkrytaje akcyjaniernaje tavarystva «MS Zachodniaja» — heta pradpryjemstva, jakoje źbiraje i pierapracoŭvaje adkidy. Maje darosłuju dačku.
Zrabiŭ biznes na śmiećci. Chto taki Dźmitryj Kučuk, jaki choča bałatavacca ŭ Pałatu pradstaŭnikoŭ
Dźmitryja zatrymali 16 lutaha kala rasijskaj ambasady. Kučuk pryjšoŭ, kab uskłaści kvietki ŭ pamiać pra pamierłaha palityka Alaksieja Navalnaha. Praź miesiac stała viadoma, što suprać Dźmitryja zaviali kryminalnuju spravu.
Imia Kučuka źjaviłasia ŭ raskładzie sudoŭ. Razhladać jaho spravu pačnuć 22 listapada ŭ Minskim haradskim sudzie. Jaho abvinavačvajuć pa dvuch artykułach — «zakliki da sankcyj» (č. 3 art. 361 KK) i «ŭdzieł u dziejańniach, jakija hruba parušajuć hramadski paradak» (č. 1 art. 342 KK). Jamu moža pahražać da 12 hadoŭ pazbaŭleńnia voli.
Sudzić jaho budzie Alena Šylko. Šylko 51 hod, na pasadzie sudździ jana nie mienš za 17 hadoŭ. Palityčnyja spravy jana viadzie jak minimum z 2006-ha. Šylko asudziła dziasiatki biełarusaŭ pa palityčna matyvavanych kryminalnych spravach, siarod jakich — Aleś Puškin, jaki pamior za kratami.
«Naša Niva» — bastyjon biełaruščyny
PADTRYMAĆSudździa, viadomaja mnohim palitviaźniam, i prakuror ź miedalom ad Łukašenki. Chto sudziŭ Alesia Puškina
«Mnie važna stać hołasam tych, chto znachodzicca ŭnutry krainy». Były kiraŭnik Zialonych idzie ŭ deputaty
20-hadovaha chłopca sa zbornaj pa sudamadelnym sporcie asudzili za «zakliki da sankcyjaŭ». Pahražała da 12 hadoŭ
Pamior dzied Koli Łukašenki — były viazień HUŁAHa, asudžany za dapamohu «banderaŭcam»2
Kamientary