Takimi źviestkami padzialiŭsia kiraŭnik upravy ŭ spravach zamiežnikaŭ Polščy Tomaš Cytrynovič.
Pravam na pražyvańnie na terytoryi Polščy vałodajuć 137 tysiač biełarusaŭ. Takoj statystykaj Cytrynovič padzialiŭsia na sustrečy z kiraŭnikom NAU Paŭłam Łatuškam.
Usiaho, uličvajučy spravy, jakija znachodziacca na razhladzie ŭ Upraŭleńni, u Polščy znachodziacca bolš za 200 tysiač biełarusaŭ.
Cytrynovič zapeŭniŭ, što novaja mihracyjnaja stratehija, pradstaŭlenaja ŭradam, nie zakranie absalutnuju bolšaść biełarusaŭ, jakija lehalizavalisia abo płanujuć lehalizavacca ŭ Polščy.
«Tyja, chto majuć lehalnuju pracu, siamju ŭ Polščy abo adstojvali demakratyčnyja kaštoŭnaści ŭ Biełarusi i byli vymušany pakinuć terytoryju krainy, a hałoŭnaje — vykonvajuć polskaje zakanadaŭstva, nie pavinny chvalavacca ab budučych źmienach u mihracyjnaj palitycy Polščy. Źmieny nakiravany, pierš za ŭsio, na supraćdziejańnie nielehalnaj i niekantralujemaj mihracyi», — paviedamiŭ Cytrynovič.
Čynoŭnik anansavaŭ bolš surjoznyja pravierki metavaha vykarystańnia viz. Pry hetym, pavodle jaho słoŭ, mihracyjnaja stratehija budzie skiravana, pierš za ŭsio, na abaronu Polščy ad mihrantaŭ, jakija šturmujuć polskuju miažu.
Nahadajem, što mihracyjnaja stratehija na bližejšyja piać hadoŭ, pryniataja ŭradam Donalda Tuska, praduhledžvaje ŭzmacnieńnie vizavaha kantrolu, praviłaŭ vydačy kart palaka i nabyćcia hramadzianstva. Stratehija miarkuje ŭviadzieńnie novych mier, nakiravanych na intehracyju mihrantaŭ u polskaje hramadstva. Akramia taho, praduhledžvajecca mahčymaść časovaha prypynieńnia pryjomu zajaŭ na atrymańnie prytułku ŭ Polščy ŭ vypadku vostraha kryzisu na miažy.
Polskim uładam jašče treba raspracavać i pryniać adpaviednaje zakanadaŭstva.
-
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju
-
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam
-
Kavieryn vybačyŭsia za prapanovu eratyčnaj fotasiesii dla Cichanoŭskaj
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary