Rasija naniesła ŭdary pa Adesie i Charkavie. Nad Rasijaj źbili 50 dronaŭ
U Adesie u žyłym kompleksie ŭźnik pažar. U Charkavie rakieta paškodziła dźvie AZS. Nad Rasijaj drony źbivali ŭ tym liku nad Tulskaj i Ćviarskoj abłaściami.
Unačy rasijskaja armija zapuściła pa Ukrainie 51 dron. Pavietranaja abarona Ukrainy zdoleła źbić 32 bieśpiłotniki ŭ 11 abłaściach krainy, paviedamili ŭ Pavietranych siłach Ukrainy. Łakalizacyja 18 bieśpiłotnikaŭ zhublenaja pad uździejańniem REB.
U Adesie ŭ vyniku ataki drona ŭspychnuŭ pažar u adnym z žyłych kompleksaŭ. 1 čałaviek zahinuŭ, 13 paranienyja, siarod ich dzieci, paviedamiła Adeskaja abłasnaja prakuratura.
Mer Charkava paviedamiŭ, što nočču Rasija naniesła ŭdar pa adnoj z «najbolš zahružanych» haradskich tras. Udar paškodziŭ darožnaje pakryćcio, dźvie aŭtazapravačnyja stancyi, hatel, hipiermarkiet i haradskuju infrastrukturu. Jość paranienyja.
U toj ža čas Ministerstva abarony Rasii zajaviła, što za noč ich PPA źniščyła 50 ukrainskich bieśpiłotnikaŭ nad siamiu rehijonami Rasii: 28 — nad Branskaj vobłaściu, 12 — nad Kurskaj, 4 — nad Naŭharodskaj, pa 3 — nad Smalenskaj i Tulskaj, i pa 1 — nad Arłoŭskaj i Ćviarskoj. Adnoj z celaŭ, u pryvatnaści, byŭ Aleksinski chimzavod u Tulskaj vobłaści.
Jak žyvie Aleś Muchin, viadomy znaŭca «Što? Dzie? Kali?»6
Kamientary