Adkazčyki – hazeta "Tovariŝ" (pazoŭ suprać jaje składaje 15 młn rubloŭ) i prafsajuzny aktyvist, taksist Pavał Paddubski (15 młn rubloŭ), aŭtar artykułu ab prablemach mienskich taksistaŭ. 1 studzienia 2007 h.taksisty nia zmohuć pracavać na aŭtamabilach, vypuščanych 10 hod tamu, i, mahčyma, straciać pracu.
Paddubski vykazaŭ zdahadku, što sytuacyja na ruku asacyjacyi «Staličnyja taksi», jakuju ŭznačalvaje sp. Vierchaviec. Ihar Vierchaviec taksama źjaŭlajecca hiendyrektaram pradpryjemstva SIA-AŬTA-007 u strukturu jakoha ŭvachodziać słužba "Taksi-007", adzin z najbujniejšych mienskich taksaparkaŭ, a taksama Spas-007, što zajmajecca evakuacyjaj mašyn i dapamohaj aŭtamabistam, što trapili ŭ avaryju.
Staršynia asacyjacyi paličyŭ zajavu źniavahaj i zapatrabavaŭ 30 młn rubloŭ kampensacyi z hazety i aŭtara materyjału. Hałoŭny redaktar «Tovariŝa» Siarhiej Vaźniak miarkuje, što pazoŭ nia maje sudovaj perspektyvy. «U artykule Paddubskaha vykazvałasia tolki mierkavańnie, što ŭ taksisckimch kołach łunaje dumka, što usia hetaja sytuacyja na ruku sp-ru Vierchaŭcu, skiravanyja na ruku drobnych taksapieravozčykaŭ. My možam pryvieści ŭ sud inšych taksistaŭ, jakija paćvierdziać, što takija dumki cyrkulujuć».
