Asudzili 14-ju hrupu bieraściejcaŭ za ŭdzieł u pratesnaj akcyi 10 žniŭnia 2020 hoda
U sudzie Leninskaha rajona Bresta 6 listapada asudzili Artura Truško, Vadzima Kutasieviča i Alinu Novikavu pavodle č. 1 art. 342 (aktyŭny ŭdzieł u dziejańniach, što hruba parušajuć hramadski paradak) Kryminalnaha kodeksa. Spravu razhladaŭ sudździa Dźmitryj Šuryn.
Prysud apublikavaŭ u svaim pres-relizie Brescki abłasny sud, zaŭvažyła «Bieraściejskaja viasna».
Bieraściejcaŭ abvinavacili ŭ tym, što jany «vykrykvali łozunhi i demanstravali pałotnišča bieł-čyrvona-biełaha koleru».
Arturu Truško i Vadzimu Kutasieviču pryznačyli kožnamu pa adnamu hodu i šeść miesiacaŭ kałonii va ŭmovach ahulnaha režymu. Alinie Novikavaj — dva hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»).
Takim čynam, viadoma ŭžo jak minimum pra 70 čałaviek, jakich asudzili pavodle art. 342 KK za ŭdzieł u pratesnych akcyjach 2020 hoda ŭ Breście.
Kamientary