«Jon zalacieŭ prosta ŭ jaje akno». Historyja 14-hadovaj Maryi z Kijeva, jakuju zabiŭ rasijski dron
Maryja Trajanoŭskaja pryjšła dadomu rana ŭ toj viečar, kali rasijski dron trapiŭ u jaje spalniu. «Jon zalacieŭ prosta ŭ jaje akno, prosta ŭ jaje pakoj», — raspaviała Bi-bi-si jaje maci Viktoryja.
Adrazu paśla vybuchu Viktoryja z mužam Uładzimiram ubačyli, što haryć pakoj dački. Sprabavali tušyć ahoń, ale połymia było zanadta mocnym.
«Jana zahinuła adrazu. Šancaŭ vyratavacca ŭ jaje nie było», — kaža mama.
Na miescy łožka Maryi ŭ jaje pakoi — ciapier tolki popieł i niekalki biełych ruž.
«Nie zastałosia nijakich rečaŭ jaje, usio zhareła. Navat na pamiać ad dziciaci ničoha nie zastałosia», — kaža jaje maci Viktoryja.
Pra Maryju ŭsie kazali, što jana vielmi lubiła žyćcio i starałasia ŭsio paśpieć. Lubiła tancavać, hrała na bas-hitary, maryła navučycca hrać na saksafonie. Była vielmi aktyŭnaja i nieabyjakavaja.
Maryja maryła stać miedycynskim instruktaram, kab navučać vajennych pieršaj dapamozie.
«Ja zaŭsiody dumała, što jaje čakaje jarkaja i vialikaja budučynia. I nie nakanavana», — kaža mama Viktoryja.
«Ciapier my sprabujem žyć bieź jaje. Žyćcio padzialiłasia napałovu — na «da i paśla», — dadaje jana.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary