Pra heta paviedamiŭ siońnia žurnalistam pasoł Rasii ŭ Biełarusi Alaksandr Surykaŭ.
«Ja dumaju, što kali ŭžo atrymali i apłacili 50% akcyj, to, napeŭna, jość žadańnie atrymać bolš za 50%. Inakš dziela čaho kuplali 50%», — skazaŭ pasoł.
Nahadajem, što ŭ metach stvareńnia sumiesnaj biełaruska‑rasijskaj hazatranspartnaj arhanizacyi Dziaržaŭnym kamitetam pa majomaści Biełarusi i AAT «Hazpram» 18 maja 2007 hoda byŭ zaklučany dahavor kupli‑prodažu 50‑pracentnaha pakieta akcyj AAT «Biełtranshaz» pa canie $2,5 młrd. Pa dahavoru, na praciahu 2007‑2010 hadoŭ «Hazpram» pavinien štohod vypłačvać pa $625 młn. za pakiet akcyj u pamiery 12,5%.
U červieni 2007 hoda «Hazpram» ažyćciaviŭ pieršy płaciež u pamiery $625 młn. i atrymaŭ va ŭłasnaść 12,5% akcyj AAT «Biełtranshaz». Apošni płaciež «Hazprama» za 12,5% akcyj «Biełtranshazu» byŭ atrymany 24 lutaha. Takim čynam, AAT «Hazpram» stała ŭładalnikam 50% akcyj «Biełtranshazu». Ahulny košt aktyvaŭ AAT «Biełtranshaz» acenieny ŭ $5 młrd.
