Minimum 14 šachiedaŭ siońnia zachodzili ŭ Biełaruś, adzin dalacieŭ da Rečycy, niekatoryja prapali
Pačynajučy z 6:00 ranicy 22 listapada zafiksavana jak minimum 14 zachodaŭ rasijskich dronaŭ-kamikadzie typu «šachied» u Biełaruś z Ukrainy i RF. Drony prachodzili praz «biełaruski kalidor», zalatali z Rasii, zachodzili ŭ napramku Brahina, Jelska i Homiela, a adzin «šachied» dalacieŭ da Rečycy, paviedamlaje Biełaruski Hajun.
Pieršy zachod byŭ u 06:10, dron zalacieŭ z Branskaj vobłaści ŭ bok ahraharadka Kruhaviec-Kalinina (Homielskaja vobłaść). Dalej «šachiedy» zachodzili ŭ 06:38, 07:49, 08:06, 08:07, 08:31, 08:39, 08:46, 09:09, 10:48, 11:18, 12:15, 13:06 i 13:57.
U 07:49 BPŁA zalacieŭ u Biełaruś u rajonie Łojeva i praciahnuŭ ruch na paŭnočny zachad, dasiahnuŭšy da 08:06 Rečycy i praciahnuŭšy ruch u napramku Žłobina.
U toj ža čas z aeradroma «Baranavičy» byŭ padniaty dziažurny źniščalnik VVS RB, jaki nakiravaŭsia ŭ rajon Rečycy i lotaŭ na paŭdniovym uschodzie krainy amal dźvie hadziny. Paźniej @eRadarrua paviedamili, što zhodna z papiarednimi danymi minimum 1 BPŁA byŭ źbity na terytoryi Biełarusi. Na hety momant paćvierdžańniaŭ źbićcia šachieda niama, danyja praciahvajuć udakładniacca.
Usiaho na dadzieny momant paćvierdžana viartańnie ŭ pavietranaje prastoru Ukrainy ź Biełarusi 8 z 14 zalotnych dronaŭ. Niekatoryja BPŁA mahli być stračanyja ŭ Biełarusi.
Apublikavali razmovy žonki Bałaby, u jakich jana sprabuje schavać ad muža troch kachankaŭ, u tym liku Rusłana Alachno22
Kamientary