U apošnija dni zimy Biełaruś zastaniecca pad upłyvam vilhotnych i davoli ciopłych pavietranych mas, jakija pastupajuć z poŭdnia Jeŭropy,
paviedamiła hałoŭny sinoptyk Respublikanskaha hidramieteacentra Volha Fiadotava.
Hetaj nočču na ŭschodzie krainy, a ŭdzień u subotu, 27 lutaha, pa zachodniaj pałovie krainy projduć nievialikija apadki ŭ vyhladzie mokraha śniehu i daždžu. U načnyja hadziny ŭ mnohich rajonach Biełarusi, a dniom miescami zachavajecca tuman. U asobnych rajonach čakajecca słaby hałalod, na darohach hałalodzica. Tempieratura pavietra ŭnačy budzie vahacca ad 5 hradusaŭ marozu na ŭschodzie da 1 hradusa ciapła na zachadzie, subotnim dniom — ad nula da 6 hradusaŭ ciapła.
U niadzielu, 28 lutaha, pad upłyvam atmaśfiernaha frontu, što suniecca z Zachodniaj Jeŭropy na našu baćkaŭščynu, nočču na značnaj terytoryi krainy, a dniom pieravažna pa ŭschodniaj pałovie projduć mokry śnieh i doždž. U asobnych rajonach čakajucca tumany i hałalod. Tempieratura pavietra ŭnačy budzie vahacca ad minus 3 hradusaŭ da plus 2 hradusaŭ, dniom — ad minus 1 hradusa pa ŭschodzie da plus 6 hradusaŭ pa paŭdniovym zachadzie.
U pieršyja dni kalandarnaj viasny ŭ Biełarusi nadvorje abiacaje być syrym i vietranym.
U paniadziełak, 1 sakavika, atłantyčny cykłon, što źmiaščajecca praz skandynaŭskija krainy na paŭnočny ŭschod, pryniasie ŭ mnohija rajony krainy mokry śnieh z daždžom. Na asobnych učastkach daroh budzie hałalodzica. Tempieratura pavietra ŭ noč na paniadziełak budzie vahacca ad minus 2 hradusaŭ da plus 3 hradusaŭ. Dniom budzie nul — šeść hradusaŭ ciapła.
Istotna nie źmienicca tempieraturny fon 2 sakavika. Pieravažna pa paŭnočnaj pałovie Biełarusi projdzie mokry śnieh.
A voś da siaredziny pieršaj tydnia viasny tempieratura znoŭ pačnie panižacca. Na terytoryju Biełarusi buduć iści davoli chałodnyja pavietranyja masy z paŭnočnaha zachadu Jeŭropy,
i ŭ sieradu na praciahu sutak tempieratura pavietra składzie ad minus 5 hradusaŭ pa poŭnačy krainy da plus 2 hradusaŭ pa poŭdni.
U načnyja hadziny pry prajaśnieńniach pavietra moža achałodzicca da minus 7 hradusaŭ
