Chaŭjer Milej staŭ uładalnikam italjanskaha hramadzianstva. Hety status byŭ jamu aficyjna pradastaŭleny padčas vizitu ŭ Rym premjer-ministram Italii Džordžaj Miełoni, piša Bild.
Na sustrečy va ŭradavaj rezidencyi palityki ciopła pavitali adzin adnaho — i Miełoni ŭručyła Mileju dakumient, jaki paćviardžaje jaho novaje hramadzianstva.
Pryčynaj dla pradastaŭleńnia hramadzianstva stali italjanskija karani siamji prezidenta.
Jaho dziadula i babula emihravali ŭ Arhiencinu ŭ pačatku minułaha stahodździa. Sam Milej raniej zajaŭlaŭ, što jon na 75% italjaniec.
Anałahičnaja historyja — u Papy Franciška, jaki taksama rodam z Arhienciny i maje italjanskija karani.
Adnak rašeńnie Miełoni vyklikała krytyku z boku levaj apazicyi ŭ Italii. Apanienty abvinavacili jaje ŭ vybarčym padychodzie: daŭšy hramadzianstva Mileju, premjer, u pryvatnaści, admaŭlaje ŭ takim pravie dzieciam mihrantaŭ, jakija naradzilisia na terytoryi Italii.
Kamientary