U jakija jeŭrapiejskija krainy jeździli biełarusy ŭ 2024 hodzie?
Vyniki čarhovaha manitorynhu pierasiačeńnia miežaŭ ź Jeŭrasajuzam pakazali, što ŭ biełarusaŭ źmianiłasia hieahrafija jeŭrapiejskich pajezdak.
Jak vynikaje sa źviestak, jakija apublikavaŭ Biełstat, samaj naviedvalnaj krainaj pa-raniejšamu źjaŭlajecca Polšča. Pry hetym prykmietna vyrasła dola pajezdak u Niamieččynu, a ŭ krainy Bałtyi, naadvarot, źniziłasia.
Tak, u Polšču vyjazdžali 66,5% hramadzian Biełarusi, jakija pierasiakali naziemnyja miežy, u Hiermaniju — 10,7%, Litvu — 8,3%, Italiju — 6,7%.
Paŭhoda tamu ličby byli takija: Polšča — 48,2%, Litva — 25,8%, Italija — 6%, Hiermanija — 3,8%, Łatvija — 3,1%.
Asnoŭnymi metami pajezdak biełarusaŭ u ES, pavodle apytańnia na miažy, źjaŭlalisia: naviedvańnie rodnych i blizkich — 37,7% ad ahulnaj kolkaści, praca — 27,9%, a taksama adpačynak, lačeńnie i inšyja pryčyny, nie źviazanyja z pracaj, — 20,4%.
Kamientary