Śviet11

Padazravany ŭ padryvie Cybertrack la hatela Trampa ŭ Łas-Viehasie pry padrychtoŭcy da złačynstva vykarystaŭ ChatGPT

Padazravany kiroŭca kibiertraka Tesla, jaki vybuchnuŭ kala hatela Trump International u Łas-Viehasie ŭ navahodniuju noč, vykarystaŭ papularny čat-bot ChatGPT dla płanavańnia vybuchu, paviedamili aficyjnyja asoby žurnalistam u aŭtorak, piša Reuters.com.

Pałajučaja Tesla Cybertruck. Skrynšot videa z sacsietki X

Pa słovach aficyjnych asob, padazravany vykarystaŭ ChatGPT, kab pasprabavać vyznačyć, kolki vybuchoŭki było nieabchodna dla pryviadzieńnia ŭ dziejańnie vybuchovaha prystasavańnia.

Na minułym tydni ŭłady apaznali ŭ čałavieku, znojdzienym miortvym unutry kibiertraktara, 37-hadovaha Mećju Livielśbierhiera — vajskoŭca z Kałarada-Sprynhs, i zajavili, što jon dziejničaŭ u adzinočku.

FBR śćviardžaje, što incydent, vidavočna, byŭ źviazany z samahubstvam. Palicejskaje ŭpraŭleńnie Łas-Viehasa zajaviła ŭ aŭtorak, što vybuch Cybertruck staŭ pieršym incydentam na terytoryi ZŠA, kali dla vyrabu vybuchovaha prystasavańnia vykarystoŭvaŭsia ChatGPT.

Krytyki štučnaha intelektu papiaredžvajuć, što jon moža być vykarystany ŭ škodnych metach, i ataka ŭ Łas-Viehasie moža ŭzmacnić hetuju krytyku.

«Asabliva treba adznačyć, što ciapier u nas taksama jość dakładnyja dokazy pa hetaj spravie, što padazravany vykarystaŭ štučny intelekt ChatGPT dla płanavańnia svajoj ataki», — zajaviŭ na pres-kanfierencyi šeryf Kievin Mak-Machił sa staličnaha palicejskaha ŭpraŭleńnia Łas-Viehasa.

«Heta pieršy viadomy mnie vypadak na terytoryi ZŠA, kali ChatGPT vykarystoŭvajecca dla dapamohi čałavieku ŭ stvareńni peŭnaj pryłady», — dadaŭ Mak-Machił.

Stvaralnik ChatGPT OpenAI zajaviŭ, što kampanija «imkniecca da adkaznaha vykarystańnia instrumientaŭ štučnaha intelektu» i što jaje» madeli raspracavany takim čynam, kab admovicca ad škodnych instrukcyj».

«U hetym vypadku ChatGPT adreahavała infarmacyjaj, užo ahulnadastupnaj u internecie, i dała papiaredžańni ab škodnych abo niezakonnych dziejańniach», — havorycca ŭ zajavie kampanii.

37-hadovy Mećju Livielśbierhier z horada Kałarada-Sprynhs, papiarednie, byŭ u mašynie ŭ momant vybuchu kala hatela Trampa. Livielśbierhier doŭhija hady słužyŭ u amierykanskaj armii — miarkujučy pa ŭsim, jon mieniedžar pa raźviedcy z vopytam pracy ŭ śpiecpadraździaleńniach. U elektrakary Cybertrack vyjavili vialikuju kolkaść piratechniki i kanistry ź bienzinam.

Kamientary1

  • Unutry kibietraktara
    09.01.2025
    Što, prabačcie? Heta MTZ ci Hamsielmaš vypuściŭ?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenku pasadzili na Paradzie ŭ Maskvie z Pašynianam, a Si Czińpina z Pucinym25

Łukašenku pasadzili na Paradzie ŭ Maskvie z Pašynianam, a Si Czińpina z Pucinym

Usie naviny →
Usie naviny

U minskim «Centralnym» znoŭ pradajuć kindary za biescań1

Padazronaha aktyvista-stukača Paŭła Bialucina pryvieźli z Turcyi5

Zbornaja Biełarusi vyjšła ŭ paŭfinał čempijanatu śvietu pa plažnym futbole6

Zialenski: Ukraina zmahałasia ź niamieckim nacyzmam, a ciapier zmahajecca z ruskim5

Rasija vypłacić vieteranam Druhoj suśvietnaj vajny mienš za ŭsich u SND5

Arkadź Dobkin pakidaje pasadu CEO EPAM9

Były prahramist Połackaha rajvykankama viarnuŭsia z Varšavy. Atrymaŭ palityčny termin i status «terarysta»3

Kardynały znoŭ nie abrali Papu4

Zamarazki, mokry śnieh i nie bolš za +15°S. Prahnoz na adnosna vialikija vychodnyja

bolš čytanych navin
bolš łajkanych navin

Łukašenku pasadzili na Paradzie ŭ Maskvie z Pašynianam, a Si Czińpina z Pucinym25

Łukašenku pasadzili na Paradzie ŭ Maskvie z Pašynianam, a Si Czińpina z Pucinym

Hałoŭnaje
Usie naviny →

Zaŭvaha:

 

 

 

 

Zakryć Paviedamić