Nieruchomaść55

U Varšavie zdajuć pakoj za 520 dalaraŭ za miesiac. Sacsietki ŭ šoku ad cany

U Minsku za takija hrošy možna źniać trochpakajovuju kvateru. Ale navat dla žycharoŭ Varšavy takaja cana za pakoj — pierabor.

Fota: skrynšot z sajta olx.pl

Kvatera, pra jakuju razmova, znachodzicca ŭ centralnaj častcy Varšavy pa adrasie Sienatarskaja, 40 (polsk. Senatorska 40). Heta kala samaha ŭvachodu ŭ mietro «Ratuš Arsienał».

Kvatera padobnaja da maleńkaha internata, u jakim jość piać žyłych pakojaŭ, raźličanych na pražyvańnie pa adnym čałavieku. Kožny pakoj zamykajecca na kluč. U troch ź piaci pakojaŭ vokny ŭ padłohu. 

Pamiaškańni majuć davoli sučasny vyhlad. U ich znachodziacca adnaspalnyja łožki, stoł z kresłam, šafa abo adkryty harderob. 

Fota: skrynšot z sajta olx.pl

Majucca dva sanvuzły, u adnym ź jakich staić dušavaja, i davoli ścipłaja pa pamierach kuchnia-prychožaja, pasiarod jakoj tyrčyć biełaja truba.

Fota: skrynšot z sajta olx.pl

Z kamfortam prymać ježu ŭ joj mohuć nie bolš za dva čałavieki. 

Miesiac pražyvańnia ŭ takim «internacie» ŭ centry Varšavy abyjdziecca ŭ 2100 złotych (kala $520) na čałavieka. U hetuju sumu ŭvachodzić arenda za 1750 złotych (kala $430) i kamunalnyja płaciažy — 350 złotych (kala $90), jakija ŭklučajuć pryborku ahulnych zon try razy na miesiac. 

Arendadaŭca hatovy zasialać tolki ludziej va ŭzroście ad 18 da 35 hadoŭ, jakija nie palać i nie majuć chatnich hadavancaŭ. 

Fota: skrynšot z sajta olx.pl

U varšaŭskich pablikach aktyŭna abmiarkoŭvajuć prapanovu. Adzin z karystalnikaŭ napisaŭ, što dla poŭnaha naboru šalonych abjavaŭ zastałosia tolki pierarabić parkovačnaje miesca pad «kavalerku» (tak u Varšavie nazyvajuć kvatery maleńkaj płoščy). 

Inšy žartuje, što «Vitamin D uklučany ŭ košt, tamu i doraha». 

Niekatoryja pahadzilisia, što kvatera ŭtulnaja, ale adznačyli, što heta ŭsio adno doraha. 

Ahułam staŭki na arendu pakojaŭ u Varšavie, jakija znachodziacca ŭ prystojnym stanie, pačynajucca z 1000 złotych (kala 250 dalaraŭ). 

Kamientary5

  • Jazep
    22.01.2025
    Da nihdie v Varšavie niet cien po 1000 zł za ariendu
  • Karacupa
    22.01.2025
    znajomyja francuzy pryjażdżali tudy lietaś , pabyli ŭ stalicy Polščy tydzieň i uciakli )) , vielmi brudna , niautulna , niepryjemnaje miesta ))
  • Hamon
    22.01.2025
    Pakoj ŭ Varšavie možna znajści za košty ad 1000 zł, tolki što heta budzie žyllo ź minimalnymi ŭmovami.
    Za 3000-3500 zł u rajonie paŭ hadziny ad centru kali dobra šukać možna arandavać dvušku-trošku.

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia4

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

Usie naviny →
Usie naviny

Tvarožnaja zapiakanka ź jabłykami — recept2

Čaćviertaja kniha ź sieryi pra Hary Potera pabačyła śviet1

Ad siońnia na 10 miesiacaŭ zakryŭsia most z vulicy Maskoŭskaj da płoščy Niezaležnaści. Jak budzie abjazdžać zvyčajny i hramadski transpart?

Zialenski: Paŭnočnakarejskija vojski viarnulisia na liniju frontu2

Apple moža zdać pryvatnyja danyja ŭsich svaich karystalnikaŭ u śviecie śpiecsłužbam Vialikabrytanii. Heta moža stać niebiaśpiečnym precedentam4

Nieabchodnyja hrošy na patreby Paliny Šarendy-Panasiuk sabrali za niekalki hadzin5

Tramp zapatrabavaŭ zakryć USAID za «karupcyju»8

Naščadki hotaŭ i fina-vuhraŭ navat bolš, čym mierkavałasia. Što nasamreč u hienach biełarusaŭ i litoŭcaŭ?46

Žachlivaja historyja ŭ «Minsk-Śviecie»: sabaka na dvary naparoŭsia na šampur, haspadynia ličyć, što jaho ŭvatknuli naŭmysna1

bolš čytanych navin
bolš łajkanych navin

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia4

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

Hałoŭnaje
Usie naviny →

Zaŭvaha:

 

 

 

 

Zakryć Paviedamić