Jašče adna spartsmienka ź Biełarusi atrymała polskaje hramadzianstva
Niekalki dzion tamu łučnica ź Biełarusi Karyna Kazłoŭskaja raskazała ŭ instahramie, što atrymała polskaje hramadzianstva. Raniej jana ŭžo pradstaŭlała Polšču na mižnarodnych spabornictvach, piša «Trybuna».
«Ja vielmi ščaślivaja, što maja mara ździejśniłasia i što ja paŭnavartasnaja polka. Radaja, što ŭ majoj siamji ja pieršaja, u kaho nie tolki nacyjanalnaść, ale i hramadzianstva polskaje», — napisała jana ŭ svaim instahramie niekalki dzion tamu.
U červieni 2023 hoda Karyna Kazłoŭskaja razam z polskaj kamandaj uziała bronzu na Kubku Jeŭropy. Paźniej dziaŭčyna zajaviła, što prypyniaje karjeru praz kanflikt ź Janam Łacham, dyrektaram i trenieram kłuba «Łučnik», jaki pradstaŭlała.
Spartsmienku nie zadavalniali nahruzki ŭ kłubie i staŭleńnie da siabie. Pa jaje słovach, dyrektar vykazvaŭ abrazy pa nacyjanalnaj prykmiecie, piša «Trybuna». Tady Kazłoŭskuju zvolnili z farmuloŭkaj «za prahuły», ale jana nie pahadziłasia i padała ŭ sud z namieram źmianić słovy hetaha abhruntavańnia.
Sudovuju spravu dziaŭčyna vyjhrała. «Farmuloŭku ab zvalnieńni pavinny źmianić. Jak i kazała raniej, źmianić kłub u Polščy składana. Treba płacić vialikuju kampiensacyju», — raskazała jana «Lusterku».
Ź lutaha 2024 Kazłoŭskaja adnaviła karjeru, praciahnuŭšy vystupać za toj ža samy «Łučnik». Letaś jana ŭdzielničała ŭ turniry ŭ Słavienii. U alimpijskuju zbornuju dziaŭčyna nie patrapiła: pa jaje słovach, jaje nie dapuścili da adboru ŭ kamandu.
Z polskim pašpartam užo niekalki hadoŭ vystupajuć lohkaatletki Kryścina Cimanoŭskaja i Maryna Žodzik. Paruśnica Anastasija Valkievič znachodzicca ŭ pracesie atrymańnia dakumienta na padstavie repatryjacyi — babula spartsmienki była polkaj pa nacyjanalnaści.
Marharyta Kačanava — jašče adna biełaruska, jakaja buduje spartyŭnuju karjeru ŭ Polščy. 26-hadovaja ŭradženka Hrodna vystupaje ŭ biehu sa śpiecyjalizacyjaj 400 i 800 mietraŭ. U Polščy dziaŭčyna žyvie z 2017 hoda.
Paśla pierajezdu ŭ susiedniuju krainu jana pačała vystupać na ŭnutranych turnirach, dzie pradstaŭlaje kłub AZS AWF Krakaŭ. Uviesnu 2021 hoda Kačanava atrymała polskaje hramadzianstva i admoviłasia ad biełaruskaha. Dziaŭčyna ŭdzielničaje va ŭnutranych i mižnarodnych spabornictvach, pradstaŭlajučy Polšču.
«Musim tolki pracavać na jaho, spać i jeści». Čamu najlepšaja biełaruskaja łučnica sudzicca z polskim trenieram
Cimanoŭskaja pra žyćcio ŭ ZŠA: Žudasnaja ježa i ahidny servis
Polšča dała hramadzianstva biełarusu, jaki 12 hadoŭ dakazvaŭ, što nie ŭjaŭlaje saboj pahrozy
Aryna Sabalenka trapiła ŭ skandał z-za dziŭnaha staŭleńnia da vyjhranaha trafieja VIDEA
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka11
Kamientary