Pieśnia, jakaja virusicca ŭ biełaruskim tyktoku, akazałasia saŭndtrekam da prapahandysckaha sieryjała pra vajnu
Ramantyčnyja videa ŭ biełaruskim tyktoku ciapier modna zapisvać pad pieśniu «Samaloty». Jana z šalona papularnaha rasijskaha sieryjała, jaki ramantyzuje vajnu. Darečy, tam ža hučać niekalki piesień biełaruskaha hurta NEMIGA.
Sieryjał «Łandyšy. Takoje piaščotnaje kachańnie» vyjšaŭ u Rasii ŭ pieršy dzień 2025 hoda. Na postary ružovaje vobłačka-serca, pasiaredzinie bieskłapotna ŭśmichajecca dziaŭčyna z hitaraj. Za joj dva surjoznyja maładyja chłopcy (pobač z adnym ź ich pravasłaŭnaja carkva, pobač ź inšym — łondanski Bih-Ben).
«Niejkaja ramantyčnaja kamiedyja», — chutčej za ŭsio, padumaje siaredniestatystyčny hladač. A potym pračytaje ŭ apisańni, što heta jašče i miuzikł.
Piesień u sieryjale sapraŭdy šmat. Mnohija ź ich zavirusilisia ŭ sacyjalnych sietkach, asabliva pieśnia «Samaloty» rasijskaha śpievaka Ženi Trafimava.
I heta dapamahaje stvaralnikam sieryjała vykonvać hałoŭnuju zadaču — ramantyzavać vajnu suprać Ukrainy, jakuju rasijskija ŚMI imknucca schavać za ścipłymi litarami «SVA».
Finansavaŭ zdymki Instytut raźvićcia internetu, jaki apošnija hady nie škaduje hrošaj na vajennuju prapahandu.
Siužet rasijskaha sieryjała pačynajecca ŭ Vialikabrytanii. Kacia Arłova, dačka ruskaha miljardera, žyvie ŭ Łondanie. Jana źbirajecca zamuž, ale jaje nie vielmi razumny žanich vyrašaje zdradzić dziaŭčynie na borcie pryvatnaha samalota.
Serca raźbita, Kacia vyrašaje źbiehčy ad byłoha kachanaha. Dziejničaje amal što pa schiemie «čamadan-vakzał-Rasija» — i traplaje ŭ Vołahdu. Tam dziaŭčyna puskajecca va ŭsie ciažkija ŭ načnym kłubie i znajomicca z tankistam Locham.
Toj prapanoŭvaje baranić Kaciu ad byłoha žanicha. Kab dziaŭčyna mahła žyć u vajskovaj čaści, im treba aformić šlub. Skazana — zroblena. Ale Kacia ličyć šlub farmalnym, a Locha kaža, što jamu niedastatkova być fiktyŭnym mužam, jon choča sapraŭdnych adnosin.
Nu a dalej — vajna. U kancy pieršaha siezona Locha jedzie va Ukrainu zabivać ludziej i raptam źnikaje. Kacia ž miesca siabie nie nachodzić. Jana pačynaje pieć u hurcie «Łandyšy» razam ź inšymi «žonkami aficeraŭ». Dziaŭčyna damahajecca taho, kab im dazvolili pajechać na «śpiecyjalnuju vajennuju apieracyju» padbadziorvać rasijskich sałdat. Choča adšukać svajho psieŭdamuža, bo raptam zrazumieła, što zakachałasia ŭ jaho.
Rasijskija tyktokiery prosta ŭ zachapleńni ad siužetu i hałoŭnych hierojaŭ. Dziaŭčaty raspaviadajuć, što im patrebnyja vyklučna takija chłopcy, jak toj Locha. Nu i, kaniečnie, treki z prapahandysckaha sieryjała zapoŭnili sacyjalnyja sietki.
Darečy, u sieryjale «Łandyšy. Takoje piaščotnaje kachańnie» hučać try pieśni biełaruskaha hurta NEMIGA — heta «Niet piečali», «Biełym» i «Mołodosť». Sami artysty vykładvajuć videa ź sieryjała na svajoj staroncy ŭ instahramie.
Rejtynh sieryjała «Łandyšy. Takoje piaščotnaje kachańnie» na rasijskim servisie «Kinapošuk» — 8,4 bała, jon trapiŭ u śpis samych papularnych.
-
Netflix raskazaŭ pra nievierahodny pośpiech sieryjała «Vielmi dziŭnyja spravy». Sieryjał upłyvaje na ŭsie śfiery žyćcia
-
Na Zachadzie vybuchnuŭ sieryjał pra kachańnie rasijskaha i kanadskaha chakieistaŭ
-
Akcior papularnaha sieryjała «Vielmi dziŭnyja spravy» paŭtara hoda nie pryznavaŭsia pra zdymki. Kazaŭ, što hraje ŭ dakumientałcy pra majanez
U Rečycy ludzi vyjšli prybirać śnieh. Ich aštrafavali5
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary