«U jaho dastatkova prablem z žonkaj». Tramp zajaviŭ, što nie budzie departavać prynca Hary
Prezident ZŠA Donald Tramp zajaviŭ, što nie budzie departavać brytanskaha prynca Hary, niahledziačy na pytańnie adnosna lehalnaści jahonaha znachodžańnia ŭ krainie, paviedamlaje New York Post. Pa słovach amierykanskaha lidara, «u Hary i tak chapaje prablem z žonkaj».
Adkazvajučy na pytańnie, ci budzie jon departavać Hary, Donald Tramp skazaŭ:
«Ja nie chaču hetaha rabić. Ja pakinu jaho ŭ spakoi. U jaho i tak dastatkova prablem z žonkaj [Miehan Markł]. Jana žachlivaja».
U 2020 hodzie prync Hary i jahonaja žonka vyrašyli admovicca ad karaleŭskich abaviazkaŭ i pasialicca ŭ ZŠA. Adnak paśla publikacyi jahonych miemuaraŭ «Zapasny» ŭ studzieni 2023 hoda ŭźnikła pytańnie ab pravamiernaści jahonaha znachodžańnia ŭ hetaj krainie. U knizie prync pryznaŭsia, što ŭ maładości ŭžyvaŭ narkotyki, što moža słužyć padstavaj dla admovy ŭ vydačy amierykanskaj vizy.
U červieni taho samaha hoda Ministerstva ŭnutranaj biaśpieki ZŠA admoviłasia apublikavać vizavuju infarmacyju pa zapycie Heritage Foundation. Ale sudovaje rasśledavańnie hetaj spravy było adnoŭlena ŭ lutym 2025 hoda.
13 studzienia 2020 hoda tahačasnaja karaleva Vialikabrytanii Lizavieta II padtrymała rašeńnie prynca Hary i Miehan Markł admovicca ad karaleŭskich pryvilejaŭ i pačać finansava niezaležnaje žyćcio. 31 sakavika jany aficyjna skłali abaviazki starejšych členaŭ karaleŭskaj siamji.
Ciapier Hary i Miehan z synam Arčy žyvuć u Łos-Andželesie. U červieni 2021 hoda ŭ pary naradziłasia dačka.
Apošnim časam, adnak, šmat pišuć pra toje, što ŭ adnosinach pary źjavilisia surjoznyja prablemy. Łondanskija bukmiekiery stali navat prymać staŭki na chutki razvod prynca Hary i Miehan Markł. Jany ŭ minułym hodzie ŭsio radziej źjaŭlalisia na publicy razam, a na adzinočnych mierapryjemstvach vyhladali značna bolš rassłablenymi.
Tramp vyrašyŭ admianić papiarovyja sałominki dla pićcia i viarnuć płastykavyja
Vydaviec The Sun aficyjna vybačyŭsia pierad pryncam Hary
Miehan Markł nazvała siabie samym zackavanym čałaviekam u śviecie
Spotify razarvaŭ kantrakt ź Miehan Markł i pryncam Hary. Nie apraŭdali čakańniaŭ
Hary i Mehan ledź nie raźbilisia: dźvie hadziny za ich taksi hnalisia fatohrafy
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary
zajavlenije ryžieho šuta čto vo vtoruju mirovuju "pohibali tolko uzkije" on plunuł v fiejs srazu nieskolkim narodam.vklučaja i naš.
no u nas eto kak obyčno dažie nie zamietili(radiny i pročije šarłatany osobienno)
a vy pro kakich to žonak)