«Zialenski spaŭ»: Tramp zajaŭlaje, što ŭ Kijevie hruba abyšlisia ź jaho ministram finansaŭ, jaki pryvioz prajekt pahadnieńnia pra nietry
Amierykanski lidar raspavioŭ, što Besient doŭha dabiraŭsia ŭ Kijeŭ, i hetaja pajezdka była «niebiaśpiečnaj».
Prezident ZŠA Donald Tramp śćviardžaje, što jaho ministr finansaŭ Skot Besient sutyknuŭsia z hrubym abychodžańniem padčas svajho vizitu ŭ Kijeŭ na minułym tydni. Tramp zajaviŭ pra heta na borcie prezidenckaha samalota, jaho cytuje AP.
Amierykanski lidar raskazaŭ, što Besient doŭha dabiraŭsia ŭ Kijeŭ, i hetaja pajezdka była «niebiaśpiečnaj».
Pavodle Trampa, ministr finansaŭ pajechaŭ va Ukrainu dziela padpisańnia pahadnieńnia, ale viarnuŭsia z pustymi rukami.
U toj ža čas, jak paviedamlaje CNN, Tramp zajaviŭ, što z Besientam pavodzili siabie «davoli hruba», a prezident Ukrainy Uładzimir Zialenski byccam by nie zmoh sustrecca ź im, bo «spaŭ».
«Skot Besient sapraŭdy pajechaŭ tudy, i ź im abyšlisia davoli hruba, bo, pa sutnaści, jany skazali jamu «nie», a Zialenski spaŭ i nie zmoh sustrecca ź im», — zajaviŭ Tramp.
Havorka idzie pra pahadnieńnie ab vykarystańni ŭkrainskich nietraŭ amierykanskimi pryvatnymi kampanijami, jakuju Ukraina paličyła kabalnaj i admoviłasia padpisvać.
Infarmavanaje ŭkrainskaje vydańnie «Ukrainskaja praŭda» pisała, što amierykanski bok nie prosta žadaŭ «jak maha chutčej» padpisać damovu ab padziele ŭkrainskich nietraŭ, a šantažavaŭ joj ukrainskuju delehacyju. U Kijevie dakumient pabačyli tolki za dva dni da pačatku Miunchienskaj kanfierencyi.
«U mižnarodnych adnosinach takaja chutkaść uzhadnieńnia damoŭ źjaŭlajecca nierealnaj, a pakolki havorka idzie ab ekanamičnych, mižuradavych dahavorach, to heta niemahčyma navat u teoryi», — adznačaje vydańnie.
Ciapier čytajuć
Jak žyvie Aleś Muchin, viadomy znaŭca «Što? Dzie? Kali?»12
Kamientary