U padmaskoŭnym pasiołku Hałuboje mužčyna z nažom nakinuŭsia na 19-hadovaha chłopca ź Biełarusi i trojčy ŭdaryŭ jaho. Tak jon chacieŭ adpomścić za svajo zvalnieńnie.
Momant napadu. Skrynšot videa z kamiery nazirańnia.
Jak piša Mash, zdareńnie adbyłosia ŭčora ŭviečary. Złačyniec vysačyŭ chłopca i napaŭ na jaho sa śpiny, paśla čaho ŭciok.
Paciarpieły i padazravany — byłyja kalehi. Jany achoŭvali pryvatny dom, pakul napadnika nie zvolnili. Z-za hetaha zdaryŭsia kanflikt, jaki skončyŭsia zamacham.
Ciapier biełarus u špitali ŭ ciažkim stanie. Napadnika šukajuć. Jamu pahražaje da 10 hadoŭ pazbaŭleńnia voli za naŭmysnaje pryčynieńnie ciažkaj škody zdaroŭju, adznačaje Mash.
Kamientary