Stała viadoma, kolki abituryjentaŭ mohuć być zaličanyja ŭ rehijanalnyja VNU biez ekzamienaŭ
Kala 1260 čałaviek u sakaviku buduć rekamiendavanyja da zaličeńnia ŭ rehijanalnyja VNU na zapatrabavanyja śpiecyjalnaści biez ekzamienaŭ, paviedamlaje pres-słužba Ministerstva adukacyi. Kožny ź ich moža raźličvać na nabyćcio statusu studenta ŭ pačatku lipienia.
Majucca na ŭvazie pieramožcy zaklučnaha etapu ŭniviersiteckich alimpijad u 21 rehijanalnaj VNU. Ź ich 240 abituryjentaŭ stali ŭładalnikami dypłomaŭ I stupieni, 430 — II stupieni, 583 — III stupieni. Usiaho ŭ zaklučnym etapie alimpijad udzielničali bolš za 3 600 čałaviek.
Siarod najbolš zapatrabavanych u abituryjentaŭ-alimpijadnikaŭ kirunkaŭ vyšejšaj adukacyi — techničnyja (inžyniernyja), linhvistyčnyja, piedahahičnyja, miedycynskija. U lidarach taksama «Štučny intelekt» i «Elektronnyja sistemy i technałohii» (BrDTU).
Niamała taksama achvotnych pastupić na «Historyju» i «Sučasnyja zamiežnyja movy» (HrDu im. Ja. Kupały), «Vodnyja bijaresursy i akvakultury», «Abaronu raślin i karancin» (BDSHA).
Kamientary