dAmy časoŭ dekadansu
Ź imionami, jak kropli siropu:
Ni-na
abo
Li-la
Damy z vodaram mužčyny,
Amatarki mocnych napojaŭ,
Ciažarnyja zvyšludźmi.
Z vačyma zialonymi, jak absent —
Ich pozirk viečna adsutny —
Jon tak daloka ad tvaru!
Niedasiažnyja,
Bo im usio da lampački,
Toj samaj,
Što pakazvaje aeroplanam
Viaršyniu Ejfielevaj viežy.
Jany kachajuć vyklučna avijataraŭ.
Jany syšli, jak sychodzić noč —
U prostaj čornaj sukiency.
U čas, kali reki pahłynajuć zory,
Na ramu ćviorda kładziecca ruka.
U kožnaj ź ich svaja raka.
I kožnaja
Kachaje svajho maraka.
0
0
0
0
0
0
